Bul aqparatpen Óńirlik komýnıkasıalar qyzmetiniń brıfıńinde Almaty qalasynyń qalalyq veterınarlyq qyzmetiniń basshysy Adıs Seıdaqmatov bólisti. Megapolıstiń kez kelgen turǵyny ótinim berý arqyly óziniń janýaryna chıp saldyra alady, dep habarlaıdy Almaty-akshamy.kz Almaty qalasy Óńirlik komýnıkasıalar qyzmetine silteme jasap.
Ádil Seıdakmatov qaraýsyz jáne qańǵybas janýarlardyń sanyn izgilikti retteý máselesinde Almaty qalasynyń ákimdigimen qoǵamdyq birlestikter men janýarlardy qorǵaý uıymdary belsendi yntymaqtasýda.
“Atalǵan zańdy iske asyrý maqsatynda qazirgi ýaqytta "Almaty "ÁKK "UK" AQ-men "Janýarlarǵa jaýapkershilikpen qaraý týraly" QR Zańynyń talaptaryna jaýap beretin janýarlardy ýaqytsha ustaý pýnktin qurý úshin Almaty qalasynyń Túrksib aýdanyndaǵy aýdany 2,4 ga jer ýchaskesin «Qalalyq veterınarlyq qyzmetke» berý boıynsha jumys júrgizilýde”, - dep habarlady ÓKQ spıkeri.
A. Seıdaqmatovtyń pikirinshe, Almaty qalasy kóshelerinde buralqy janýarlardyń bolýynyń basty sebepteriniń biri úı janýarlaryn jaýapsyz ustaý jáne ósirý bolyp tabylady.
“Qazirgi ýaqytta bizdiń veterınarıalyq mamandar Almaty qalasynyń aýmaǵynda úı janýarlaryn esepke alýdy qamtamasyz etý maqsatynda úı janýarlaryn, atap aıtqanda ıtter men mysyqtardy chıpteýdi óteýsiz negizde júrgizýde. 2022 jáne 2023 jyldary 15000 úı janýarlaryn chıpteý josparlanǵan”, - dedi vetqyzmet ókili.
Spıker chıpteý uǵymyn túsindirdi. Chıpteý - bul janýarlardy (ıtter, mysyqtar) elektrondy sáıkestendirý, bul janýardyń terisi astyndaǵy mıkrochıptiń ımplantasıasy, onda 15 tańbaly biregeı nómir bar, ol janýarmen birge ómir boıy qalady.
Olardyń sanyn sáıkestendirý jáne esepke alý qańǵybas janýarlar máselesin sheshýge baǵyttalǵan. Olardyń paıda bolýynyń negizgi sebepteri áli kúnge deıin ózdiginen serýenge shyǵý, úı janýarlaryn joǵaltý jáne ustaýdan bas tartý bolyp tabylady. Tabylǵan janýarda chıptiń bolýy ony úıge qaıtarýǵa múmkindik beredi.
Aıta ketsek, Almaty qalasynyń ákimdigi úı janýarlaryn zararsyzdandyrý úshin tıisti qarajat bóledi, bul buralqy janýarlardy azaıtýdy qamtamasyz etýi tıis.
Búginde janýarlardy aýlaý, ýaqytsha ustaý jáne jansyzdandyrý erejeleri, sondaı-aq úı janýarlaryn ustaý jáne serýendetý erejeleri ázirlendi, olardy bekitý osy saladaǵy jumysty jeńildetedi. Kelisý rásimi aıaqtalýyna baılanysty, Ereje Almaty qalasy Máslıhatynyń otyrysynda qaralady.
Osy múmkindikti paıdalana otyryp, Adıs Seıdaqmatov Almaty qalasynyń barlyq turǵyndaryn úı janýarlaryna barynsha jaýapkershilik tanytýǵa, chıptaeý, zararsyzdandyrý jáne qajetti veterınarlyq is-sharalardy júrgizýge shaqyrdy.