Almatyda halyqtyń áleýmettik osal sanattaǵy toptarǵa komýnaldyq qyzmetterge tarıfterdi kótergeni úshin ótemaqy uzartyldy, dep habarlaıdy aqshamnews.kz
Búgin Almaty máslıhatynyń depýtattary 2025 jylǵy 1 sáýirge deıin halyqtyń áleýmettik osal sanattaryna komýnaldyq qyzmetterge tarıfterdiń kóterilýine ótemaqy tóleýdi 0,8 AEK mólsherinde uzartý týraly sheshimdi biraýyzdan qoldady.
Almatyda qala ákiminiń tapsyrmasy boıynsha «Investısıa ornyna tarıf» baǵdarlamasy aıasynda 2023 jyldyń shildesinen bastap jyl ishinde 0,8 AEK mólsherinde aı saıynǵy áleýmettik tólem kórsetildi. Áleýmettik kómektiń bul túrin HÁOT 9 sanatynyń ishinen 140 myńnan astam azamat aldy.
«Biz komýnaldyq ınfraqurylymnyń joǵary tozýy aıasynda tarıfti kóterýdiń úlken qajettiligi bar ekenin túsinemiz, biraq bul rette Almaty ákimdigi úshin halyqtyń áleýmettik osal sanattaryn qoldaý árqashan basymdyqqa ıe», - dedi Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov.
Esterińizge sala keteıik, HÁOT 9 sanatyna áleýmettik tólem alý úshin (UOS ardagerleri, UOS ardagerlerine jeńildikter boıynsha teńestirilgen basqa memleketterdiń aýmaǵyndaǵy jaýyngerlik qımyldardyń ardagerleri, birinshi jáne ekinshi toptaǵy múgedektigi bar adamdar, múgedek balalary bar nemese olardy tárbıelep otyrǵan otbasylar, «Altyn alqa», «Kúmis alqa» tósbelgisimen nagradtalǵan kópbalaly analar, kópbalaly otbasylar, memlekettik nemese qoǵamdyq mindetterdi atqarý kezinde, áskerı qyzmette, ǵarysh keńistigine ushýdy daıyndaý nemese júzege asyrý kezinde, adam ómirin qutqarý kezinde qaza tapqan (qaıtys bolǵan) adamdardyń otbasylary, quqyq tártibin qorǵaý kezinde jasyna baılanysty zeınetkerler, jetim balalar jáne ata-anasynyń qamqorlyǵynsyz qalǵan balalar) Almatyda turaqty tirkelýi jáne turǵylyqty jeri bolýy, qala ákimdikteriniń jumyspen qamtý jáne áleýmettik baǵdarlamalar bólimderine ótinish berýi jáne sáıkestendirý úshin jeke kýáligin usynýy qajet.
Kómektiń osy túrin resimdegenderge ótinish berýdiń qajeti joq, olarǵa áleýmettik kómek avtomatty túrde uzartylady.