Almatyda eńbek ınspektorlary jumys berýshiler arasynda 20,4 mln teńge somasynda zań buzýshylyqtardy anyqtady
Qoldanystaǵy zańnamany buzǵany úshin 112 zańdy tulǵa ákimshilik jaýapkershilikke tartyldy, bul týraly Óńirlik komýnıkasıalar qyzmetiniń alańynda Almaty qalasy eńbek ınspeksıasy basqarmasynyń basshysy – bas memlekettik eńbek ınspektory Erkinbek Ámirǵalıev málimdedi, dep habarlaıdy almaty-akshamy.kz
Basqarma jyl basynan beri 230 jospardan tys tekserý júrgizdi, tekseris barysynda eńbek zańnamasy normalarynyń 294 zań buzýshylyǵy anyqtalyp, buzýshylyqtardy joıý týraly 159 uıǵarym berildi.
"20,4 mln teńge somasyna 112 zańdy tulǵa ákimshilik jaýapkershilikke tartyldy. Jalaqyny ýaqtyly tólemegeni úshin 13,3 mln teńge somasyna 82 zańdy tulǵa ákimshilik jaýapkershilikke tartyldy ", - dedi spıker.
Eńbek zańnamasynyń normalaryn túsindirý úshin qala kásiporyndarynda 1 716 adamnyń qatysýymen 82 kezdesý ótkizildi. 451 azamatqa eńbek zańnamasynyń normalary boıynsha túsiniktemeler berildi.
177 kásiporynda 116,4 mln teńge somasyna jalaqy boıynsha bereshek óteldi, osylaısha 764 qyzmetkerdiń eńbek quqyqtary qorǵaldy.
"Qala kásiporyndarynda jasalǵan 27 551 Ujymdyq sharttyń (2023 jyldyń basynan bastap 100 KD) monıtorıńi men tirkeýi júzege asyryldy", - dep tolyqtyrdy spıker.
Qala kásiporyndarynda óndiriske baılanysty 30 jazataıym oqıǵa anyqtalyp, tirkeldi. Zardap shekkenderdiń sany - 31, onyń ishinde 4 adam ólim qushty, 9 adam aýyr jaraqat aldy , al 18 adam jeńil jaraqat alǵan.
Bas eńbek ınspektorynyń derekteri boıynsha Almatyda jumys istep turǵan 113 916 kásiporyn bar, jaldamaly qyzmetkerler sany - 897 925 adamdy quraıdy.