Memleket basshysy Qasym-Jomart Toqaev Qytaı Halyq Respýblıkasyna memlekettik saparmen bardy, dep habarlaıdy Almaty-akshamy.kz Aqordaǵa silteme jasap.
Sapar barysynda Memleket basshysy QHR Tóraǵasy Sı Szınpınmen kelissózder júrgizedi, onyń ishinde strategıalyq áriptestikti odan ári nyǵaıtý, saýda-ekonomıkalyq, ınvestısıalyq, kólik-logıstıka jáne energetıka salalaryndaǵy yntymaqtastyqty keńeıtý, sondaı-aq mádenı-gýmanıtarlyq baılanystardy tereńdetý máseleleri qarastyrylatyn bolady.
Aqordanyń baspasóz qyzmeti Qazaqstan Prezıdentiniń áýejaıdaǵy kezdesýiniń sýretterin taratty.
Qasym-Jomart Toqaevty qytaılyq mektep oqýshylary qarsy aldy.
"18 mamyrda Memleket basshysy Qytaıdyń iri kompanıalarynyń basshylarymen kezdesip, memlekettik saparlar baǵdarlamasy aıasynda birqatar is-sharalar ótkizedi, sondaı-aq Almatyda Qazaqstannyń logıstıkalyq ortalyǵynyń qurylysyn iske qosý rásimine qatysady", - dep habarlady Memleket basshysynyń baspasóz qyzmeti.
19 mamyrda Qasym-Jomart Toqaev Ortalyq Azıa-Qytaı samıtine qatysady. Sondaı-aq Sıan qalasyndaǵy elimizdiń Bas konsýldyǵynyń saltanatty ashylýyna qatysý josparlanýda.