Almatydaǵy №7 qalalyq klınıkalyq aýrýhananyń dárigerleri 101 jastaǵy naýqasqa jambas súıegine kúrdeli ota jasap, ony sátti aıaqtady. Bul týraly Aqshamnews.kz habarlaıdy.
Qarıa jambas súıeginiń tiregi synýymen aýrýhanaǵa shuǵyl jetkizilgen. Ota jasar aldynda anestezıolog, kardıolog, terapevt jáne travmatologtardan quralǵan konsılıým pasıenttiń jaǵdaıyn jan-jaqty baǵalap, súıekti jabyq tásilmen ornyna salyp, zamanaýı ımplant ornatýǵa sheshim qabyldaǵan.
«Qart anamyz bıyl maýsymda 102 jasqa tolady. Onyń aǵzasy jasy úlken bolǵanyna qaramastan jaqsy jaǵdaıda, sozylmaly derti de joq. Ota sátti ótti, endi ol nemere-shóbereleriniń qasyna úıine oralady», – dedi aýrýhananyń travmatologıa bóliminiń meńgerýshisi Ramazan Áskerov.
Qazirgi tańda áje úıine shyǵarylyp, ońaltý kezeńin otbasymen birge jalǵastyrýda.