Almatylyqtar qatty turmystyq qaldyqtardy (QTQ) jınaý jáne shyǵarý qyzmetterimen tolyq qamtamasyz etilgen. Bul qyzmetterdi qaldyqtardy jınaıtyn 25 uıym kórsetedi. Bul týraly Óńirlik komýnıkasıalar qyzmetiniń brıfıńinde Almaty qalasy ekologıa jáne qorshaǵan orta basqarmasy basshysy orynbasarynyń mindetin atqarýshy Sergeı Gerasımenko málimdedi, dep habarlaıdy Almaty-akshamy.kz.
Spıkerdiń aıtýynsha, komýnaldyq qaldyqtardy jınaý úshin 1454 konteıner alańy bar, onda 8 003 konteıner ornatylǵan.
«Barlyq jınalǵan qaldyqtar suryptalatyn qoqys suryptaý keshenine shyǵarylady jáne odan ári óńdeýge jáne kómýge jiberiledi», - dedi Sergeı Gerasımenko.
Al, qoqysty jınap, kádege jaratý arqyly másele sheshilse, ony óńdeý qala úshin kúrdeli másele bolyp qala beredi. Aǵymdaǵy jyldyń birinshi jartyjyldyǵynda shyǵarylǵan qaldyqtardyń kólemi 203 myń tonnany, óńdelgeni 33 myń tonnany, óńdeý úlesi 16,6 paıyzdy qurady.
Ekologıa jáne qorshaǵan orta basqarmasynyń ókili habarlaǵandaı, QTQ óńdeý qazirgi ýaqytta qajetti kólem men sapada az júzege asyrylady. Qaldyqtardy qaıta óńdeý boıynsha kórsetkish tek 17% - dy quraıdy. Qaldyqtardyń qalǵan 83%-y polıgonǵa kómýge jiberiledi, basqasha aıtqanda, olar jaı jerge kómiledi. QTQ-ny tereń óńdeý boıynsha qýattar joq, olardyń esebinen polıgonǵa kómýge jiberiletin qaldyqtardyń kólemin qysqartýǵa bolady.
Spıker uzaq merzimdi damýdyń sheńberinde 2030 jylǵa deıin qaıta óńdeý tereńdigin taǵy 30-40%-ǵa arttyrý úshin RDF (Refuse-derived fuel) otyn óndirý zaýytyn salý josparlanǵanyn habarlady.
2025 jylǵa deıin qabyldaý oryndarynyń sanyn 100 birlikke deıin, torly konteınerlerdi 3000 birlikke deıin, qaıtalama shıkizatty jınaýǵa arnalǵan ekoqoraptardyń 2025 jylǵa deıin QTQ shyǵarý jónindegi barlyq 25 qoqys shyǵarýshy uıymnyń arnaıy tehnıkasyna arnalǵan dıspecherleý júıesiniń 3000 birligine deıin ulǵaıtý josparlanýda.