Chapman zebralary Afrıkanyń ońtústiginde kezdesedi
Almaty zoobaǵynda zebra qulyndady, dep habarlady Almaty-akshamy.kz QazAqparatqa silteme jasap.
14 qyrkúıek kúni Chapman zebrasy jubynda tórtinshi ala qulyn ómirge keldi.
Atalyq zebra – Rıchard 21 jasta. Ol Almaty zoobaǵyna bir jasynda Boınısadan ákelindi. Onyń juby – Chapa Kopengagennen. Qazir ol13 jasta.
Chapman zebralary Afrıkanyń ońtústiginde kezdesedi – Angola, Botsvana, Zımbabve, Namıbıa jáne Ońtústik Afrıka Respýblıkasynda. Bul janýar qorǵaý men qamqorlyqty qajet etetin bolǵandyqtan qyzyl kitapqa engen.
Analyq zebranyń júktiligi 370-390 kúnge sozylady. Kóbine bir, keıde eki qulyn týady. Ádette, jańa týǵan qulyn 10-15 mınýttan keıin aıaǵynan tik turyp, júrip ketedi.
«Bizdiń kishkentaı zebramyzdyń býyny qataıyp, ósip keledi. Endi oǵan erekshe at qoıǵymyz keledi. Óz nusqalaryńyzdy aıtyp, usynystaryńyzdy paraqshamyzǵa jazyńyzdar»,-dep habarlady zoobaqtan.
Altyn kúz keldi. Haıýanattar baǵynyń ár turǵyny jyldyń osy mezgilin erekshe sezinedi. Ońtústik astanada aýa raıy áli jyly bolǵandyqtan, haıýanattar baǵynyń keıbir turǵyndary kúnge qyzdyrynyp jatqandy jaqsy kóredi.
Mysaly, kengýrý kún sáýlesi jaqsy túsetin jerde jatady, az qozǵalýǵa tyrysady. Zebra, jıraf, pil, arystan da sonyń qatarynda.
Zoobaqtaǵy qustar men tıin de aldaǵy qys mezgiline daıyndalýda.
Tıinder qysqy kórekterin inderine tasyp jatyr.