Turǵyn Almatynyń shetindegi úılerdiń birinde jabaıy shoshqany asyraǵan, – dep habarlaıdy almaty-akshamy.kz Polisia.kz silteme jasap.
Bul faktini tabıǵatty qorǵaý polısıasynyń qyzmetkerleri maqsatty is-shara júrgizý barysynda anyqtady. Mal “Aqsaı medık” baǵbandyq qoǵamynyń úıleriniń birinde ustalǵan.
– Esterińizge sala keteıin, Tabıǵatty qorǵaý zańnamasyn buzý, brakonerlik, bıologıalyq resýrstardyń zańsyz aınalymy faktilerin, sondaı-aq, ekologıalyq qylmystardy ashý faktilerin anyqtaý jáne jolyn kesý maqsatynda 20 qazan men 19 qarasha aralyǵynda jalpy respýblıkalyq “Brakoner” jedel-aldyn-alý is-sharasy ótkizilýde. İs-shara sheńberinde EQMB orman sharýashylyǵy jáne janýarlar dúnıesi Komıtetiniń aýmaqtyq organdarymen birlesip jedel-izdestirý toptary quryldy. Bul jaǵdaıda 1951 jyly týǵan M.esimdi azamat QR ÁQbK-niń 389-baby 1-bóligi boıynsha jaýapkershilikke tartyldy. Atalǵan óndiris materıaldary sot quzyretine sáıkes sheshim qabyldaý úshin sotqa jiberiledi, – dedi Naýryzbaı aýdandyq Polısıa basqarmasynyń bastyǵy Dıdar Ahanov.