Postkeńestik keńistiktegi elder ishinde megapolıs altynshy orynda
Almaty búgingi tańda álemniń turaqty qalalarynyń reıtıńisi - Cities in Motion tizimine endi. Qazirgi tańda Jer sharynda turǵyndary sany mıllıonnan asyp jyǵylatyn 600 qala bar, solardyń ishinde tek 174-i ǵana "turaqty" dep moıyndalǵan, dep habarlaıdy Almaty-akshamy.kz tilshisi.
Bul týraly máslıhat depýtaty Qaırat Qudaıbergen Telegram kanalynda jarıalaǵan.
"Qalalar 100 kórsetkish boıynsha baǵalanǵan: damýy, talant ıelerin tartý jáne tárbıeleý, áleýmettik aýyzbirlik, ekonomıka, qorshaǵan orta, basqarý; josparlaý; tehnologıalar, mobıldilik, kólik, qoǵamdyq qyzmetterge qoljetimdilik jáne t.b.
"Ortalyq Azıada osy reıtıńte 128-oryn alǵan jalǵyz qala. Sanattary boıynsha baǵalaý kórsetkishteri kelesideı: ekonomıka - 108-oryn, adamı kapıtal-124 - oryn, qorshaǵan orta - 104 oryn, basqarý - 150-oryn, qalalyq josparlaý - 75-oryn, kólik - 119-oryn.
Biz Ystambul, Kıoto, Mehıko, El-Kýveıtten alǵa shyqtyq!
Burynǵy KSRO elderiniń astanalaary arasynda biz 6-oryndamyz.Reıtıńte bizdiń aldymyzda Tallın 55-orynda, Rıga - 85-orynda, Máskeý - 87-orynda, Kıev- 115-shi, Tbılısı - 118-orynda (bul zertteýge Nur-Sultan qalasy qatysqan joq).
Eń turaqty qalalar retinde London, Nú-Iork, Parıj, Tokıo, Reıkávık, Kopengagen, Berlın, Amsterdam, Sıngapýr, Gonkong qalalary tanyldy", - dep jazdy Qaırat Qudaıbergen.