Almaty-1 stansıasyndaǵy jelilik polısıa basqarmasynyń qyzmetkerleri “Bóget” jedel aldyn alý is-sharasy barysynda zańsyz esirtki saqtaǵan azamatty anyqtady, dep habarlaıdy Almaty-akshamy.kz Polisia.kz-ke silteme jasap.
Esirtki bıznesimen kúres bóliminiń qyzmetkerleri Almaty-1 vokzalyndaǵy kútý zalynda Krıs atty qyzmettik ıttiń kómegimen kúdik keltirgen 41 jastaǵy O. esimdi azamatty teksergen kezde onyń qaltasynan polıetılen paketke oraǵan ıisi ótkir untaq tapty. Sonymen qatar onyń ekinshi qaltasynan sirińke qorabyna salynǵan taǵy bir untaq tabylyp, eki fakt boıynsha sot-hımıalyq saraptamasy taǵaıyndaldy.
Kúdiktiniń aıtýynsha, eki oramdy da ol №6 shaǵyn aýdandaǵy aleıadan taýyp alǵan. Onyń esirtki zatyna uqsas untaq ekenin kórgen soń, keıin ózi paıdalaný úshin qaltasyna salyp alǵan. Kúdikti – Almaty qalasynyń turǵyny, eshqaıda jumys istemeıdi. Atalǵan fakt Qylmystyq kodekstiń 296-babynyń 2-bólimi boıynsha sotqa deıingi tergep-tekserý júrgizilip jatyr, kúdikti eshqaıda ketpeý týraly qolhatpen bosatyldy.