Dúısenbi 12 aqpanda saǵat 09.00-den 21.00-ge deıin Almatyda 20 sm-ge deıin qalyń qar jaýady dep kútilýde, bul aqpan aıyndaǵy ortasha aılyq jaýyn-shashynnyń shamamen 40%- yn quraıdy, dep habarlaıdy almaty-akshamy.kz Almaty qalasy komýnaldyq ınfraqurylymdy damytý basqarmasyna silteme jasap.
Osyǵan baılanysty qalanyń komýnaldyq qyzmetteri tolyq daıyndyqqa keltirildi. Kóshe-jol jelilerinen qar shyǵarý jumystary aıaqtaldy. Qysqy kezeńde barlyǵy 226 myń m3 qar shyǵaryldy.
12 aqpan kúni tańerteń kúsheıtilgen arnaıy tehnıka qar tazalaýǵa shyǵady dep josparlanýda, qardy tazalaýǵa 600 birlikke deıin tehnıka jáne 1220 jol jumysshysy jumyldyrylatyn bolady.
Kóktaıǵaq qubylystarynyń aldyn alý maqsatynda, qar jaýatyn negizgi magıstraldyq kóshelerdi kóktaıǵaqqa qarsy suıyq reagentpen aldyn ala óńdeý josparlanýda. Dıslokasıa oryndarynda qar jaýǵanǵa deıin 172 qum taratqyshtyń kezekshiligi uıymdastyrylady, kóktaıǵaqty boldyrmaý úshin qala kóshelerine kóktaıǵaqqa qarsy materıaldar sebiledi. Jaýǵan qardy tazartý úshin 15 kolonna uıymdastyrylady, olarmen birge jol polısıasynyń patrúldik mashınalary erip júredi.
Trotýarlardy, jalpy paıdalanylatyn oryndardy, kireberisterdi tazalaý úshin áleýmettik mańyzy bar obektilerge 176 shaǵyn kólemdi tehnıka birligi tartylatyn bolady.
Aýdan ákimdikterinde qar tazalaý jumystarynyń júrgizilýin baqylaý boıynsha táýlik boıy kezekshilik uıymdastyrylady.