Qylmystyq úshtik jábirlenýshiler kórsetken belgiler boıynsha ustaldy.
Jábirlenýshilerdiń aıtýynsha, keshkisin adam kóp júrmeıtin kóshede úsh belgisiz adam olarǵa shabýyl jasap, uryp-soǵyp, telefondaryn, aqshalary men gadjetterin alyp ketken, dep habarlaıdy Almaty-akshamy.kz Polisia.kz-ke silteme jasap.
«Qaskóıler - 21-22 jastaǵy jetkinshekter. Almaty jáne Jambyl oblystarynan kelgen. Olar óz kinálaryn moıyndady. Ustalǵandar ýaqytsha ustaý ızolátoryna qamaldy. Qylmystyq is QR QK-niń 191-baby boıynsha tergelip jatyr. Sonymen qatar kúdiktilerdiń buryn jasalǵan osyǵan uqsas qylmysqa qatysy bar-joǵy tekserilýde. Qazirgi ýaqytta osyǵan uqsas 3 epızod anyqtaldy», – dedi Almaly aýdandyq PB-ǵa qarasty polısıa bóliminiń bastyǵy Baturjan Ábdýmasarov.
QR QPK-niń 201-babyna sáıkes tergeý múddesin kózdeıtin ózge de málimetter jarıa etýge jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyqbuzýshylyq jasaýda kinásiz dep tanylady.