Elimizdiń Ekologıa, geologıa jáne tabıǵı resýrstar mınıstri Serikqalı Brekeshevpen ótken kezdesýde budan ózge de qorshaǵan ortany qorǵaýǵa qatysty ózekti máseleler talqylandy, dep habarlaıdy Almaty-akshamy.kz 24.kz-ke silteme jasap.
Qala turǵyndary "ýaqyt sozdyrmaı jylý elektr ortalyqtary men avtokólikterden shyǵatyn kómirqyshqyl gazyn azaıtyp, turmys qaldyqtaryn óńdeýge qatysty tyń jobalardy qolǵa alý kerek" deıdi. Mınıstrlik ókilderiniń aıtýynsha, ókinishke qaraı, elimizde ázirge qoqys qaldyqtarynyń 18 paıyzy ǵana óńdeledi. Degenmen, aldaǵy ýaqytta bul kórsetkishti 30 paıyzǵa jetkizý josparda bar. Sondaı-aq mınıstrmen kezdesýde jurtshylyq shahardy kógaldandyrý, eski kólikterdiń jaıy men halyq arasynda ekologıalyq mádenıetti qalyptastyrý sıaqty jaıttardy kóterdi.
«Jylý stansıasy boıynsha 2026 jylǵa deıin GRES-gi stansıa, Almatynyń ishindegi gazǵa tolyq kóshetin bolady. Rekonstrýksıa jasap jatyr. 83 prosent fraksıalaryn azaıtýǵa josparymyz bar. Bul bir. Ekinshisi - Úkimetpen birlesip, kólikke baılanysty jol kartasyn ázirledik», - deıdi QR EGTRM Ekologıalyq retteý jáne baqylaý komıtetiniń tóraǵasy Zulfuhar Joldasov.