Basym bóliginde turaqsyz aýa raıy bolady.
«Qazgıdromet» mamandary aldaǵy kúnderge arnalǵan aýa raıy boljamyn aıtty, dep habarlaıdy Almaty-akshamy.kz.
Sınoptıkterdiń boljamy boıynsha, batys sıklony jáne onymen baılanysty atmosferalyq frontaldy bólikter Qazaqstan aýmaǵynyń basym bóliginde turaqsyz aýa raıyn saqtaıdy.
«29-31 qazan aralyǵynda elimizde jaýyn-shashyn kútiledi, 30 qazanda Qazaqstannyń ońtústigindegi, ońtústik-shyǵysyndaǵy taýly aýdandarda qatty jaýyn-shashyn (jańbyr, qar) bolady. Respýblıka boıynsha jeldiń kúsheıýi, kóktaıǵaq, tuman, batysta jaıaý burqasyn bolady», - dep boljady sınoptıkter.