Qalanyń bas sanıtarynyń aıtýynsha, shahardaǵy epıdahýal áli de bosańsýǵa bolmaıtynyn kórsetip otyr.
Bul týraly Óńirlik komýnıkasıalar qyzmetinde ótken onlaın baspasóz konferensıasy barysynda Sanıtarlyq-epıdemıologıalyq baqylaý departamentiniń basshysy Jandarbek Bekshın málimdedi, dep habarlaıdy Almaty-akshamy.kz.
Almatynyń Bas memlekettik sanıtarlyq dárigeri "qyzyl" aımaqtan "sary" aımaqqa ótý kezindegi qoldanystaǵy shekteý sharalary 7 kún ótkennen keıin kúshine enetin belgili bir jeńildiktermen saqtalatynyn atap ótti.
Jandarbek Bekshın sary aımaqtyń Ólshemderi 1 (birlikten) kem nemese oǵan teń R sany (juqtyrý kórsetkishi) men júzden kem nemese oǵan teń 100 myń turǵynǵa shaqqandaǵy syrqattaný kórsetkishi bolatynyn túsindirdi.
Qazirgi ýaqytta Almatyda 7 maýsymdaǵy jaǵdaı boıynsha 100 myń turǵynǵa shaqqanda KVI-men syrqattanýshylyq kórsetkishi 64,7, ıaǵnı 100-den tómen, onyń ishinde R=0,7.
Jandarbek Bekshın atap ótkendeı, júrgizilgen shekteý sharalarynyń nátıjesinde KVI-men aýyrý azaıdy. Atap aıtqanda, buǵan buqaralyq is-sharalarǵa tyıym salý, bazarlardyń, SOSO-nyń, jazǵy alańdardy qospaǵanda, qoǵamdyq tamaqtaný oryndarynyń jumysyna tyıym salý, demalys kúnderi áleýmettik baılanystardy azaıtý maqsatynda, sondaı-aq halyqqa vaksına salý sharalary sebep boldy.