UQK áýe qyzmetiniń AN-26 ushaǵy osydan 4 jyl buryn Almaty túbinde apatqa ushyraǵan edi.
Ushaq qaldyǵy metal synyǵy retinde satyldy, dep habarlaıdy aqshamnews.kz.
Memlekettik múlik tizilimine jáne tıisti saýda-sattyqqa resmı qol jetkizý núktesi retinde tanylǵan e-qazyna.kz veb-portalynda jarıalanǵan lot málimetterine sáıkes, qıraǵan ushaqty satyp alýǵa qatysý úshin áleýetti satyp alýshy 810 897 teńge mólsherinde kepildendirilgen jarna tóleýi tıis boldy. Al bastapqy baǵa - 1 351 494,75 teńge.
Saýda-sattyq barysynda salmaǵy 14 tonna 60 keli bolatyn AN-26 ushaǵynyń qırandysy 1 416 200 teńgege satyldy.
- Lot úsh ret jarıalanyp, tórtinshisinde satyldy. Erejege sáıkes, metal synyqtary UQK usynysy boıynsha Ónerkásip jáne qurylys mınıstriniń buıryǵymen satylatyn nysandar tizilimine engizilip baǵalandy jáne satyldy, - dedi qıraǵan ushaqty saýda-sattyqqa shyǵarǵan «Qazarnaýlyeksport» kásiporny.