Almatyda qala ákiminiń tapsyrmasy boıynsha 2024 jyly HQB baǵdarlamasy boıynsha 364 joba iske asyryldy
Almatynyń damýyndaǵy mańyzdy baǵyt «Halyq qatysatyn búdjet» jobasy (HQB) bolyp tabylady, onda qala turǵyndary ótinim beredi jáne iske asyrý úshin tıisti jobalardy tańdaıdy. 2024 jyly HQB aıasynda 18,8 mlrd teńge somasyna 364 joba iske asyryldy, dep habarlaıdy qalalyq qarjy basqarmasy.
Bul rette almatylyqtardan berilgen ótinimder sany «Halyq qatysatyn búdjet» baǵdarlamasy iske qosylǵan 2019 jylmen salystyrǵanda 2024 jyly 18 esege ósti. Sodan keıin turǵyndardan barlyǵy 333 jobalyq usynys kelip tústi, al 2024 jyly – 6118 ótinim. Onyń ishinde ótken jyly daýys berýge 1402 joba jáne iske asyrýǵa – 316 joba jiberildi.
Aıta keteıik, úsh jyl ishinde Almatyda qala ákimi Erbolat Dosaevtyń tapsyrmasy aıasynda 39,1 mlrd teńgege 938 joba iske asyryldy. HQB jobalaryna 2025 jylǵa arnalǵan qala búdjetinde 17 mlrd teńge qarastyrylǵan.
Esterińizge sala keteıik, osy baǵdarlama aıasynda turǵyndardyń ózderi abattandyrý ıdeıalaryn usynady, olardy joba deńgeıine deıin pysyqtaıdy, sodan keıin onlaın daýys berý arqyly jeńimpazdardy tańdaıdy. HQB baǵdarlamasynyń arqasynda Almatyda jańa saıabaq-jaǵalaý aımaqtary, qoǵamdyq keńistikter qurylýda, eski aýlalardyń kelbeti jaqsarýda, jaıaý júrginshiler aımaqtary, balalar alańdary, aleıalar jáne basqa da nysandar abattandyrylýda.