Qýandyq Sanjar esimdi oqýshy 2024-2025 oqý jylynyń túlekteri arasynda eń joǵary 140 bal jınap, úzdik nátıje kórsetti.
Bul týraly Almaty oblysy ákiminiń baspasóz qyzmeti habarlady.
Sanjar Qýandyq «qazaq tili men ádebıeti» pánderi boıynsha Ulttyq biryńǵaı testileý tapsyryp, eń joǵary nátıjege qol jetkizdi. Testileýden shyqqan kezde ony dostary qýanyshpen qarsy alyp, bul sáttiń vıdeosy jelide tarady.
«Tapsyrmalardy oryndaýǵa shamamen úsh saǵat ýaqytym ketti. Qalǵan 40 mınýtty tek duǵa jasap ótkizdim. Nátıjesinde 140 bal jınadym. Mınımým 139 bal jınaımyn nemese rekord ornatyp, maksımaldy bal alamyn dep úmittendim», — deıdi Sanjar.
Almaty oblysynyń bilim basqarmasynyń málimetinshe, Sanjar Eńbekshiqazaq aýdanynyń Tolqyn orta mektebinde oqıdy. Qazirgi ýaqytta ol Almaty oblysyndaǵy testileýden eń joǵary bal jınaǵan jalǵyz oqýshy.