ÚAAAJ uzyndyǵy 66 shaqyrym bolsa, onyń 50 shaqyrymyna sońǵy asfált qabaty tóselgen.
Úlken Almaty aınalma avtomobıl jolynyń (ÚAAAJ) qurylysy 85 paıyzǵa aıaqtaldy, dep habarlaıdy Almaty-akshamy.kz
Bul týraly «ÚAAAJ Investısıalar jáne Operasıalar» kompanıasynyń resmı saýalǵa bergen jaýabynda kórsetilgen.
Búginde asfáltbeton qabattaryn tóseý jumystary mynadaı retpen oryndaldy:
keýekti asfáltbeton qabaty - 64,27 shaqyrym;
tyǵyz asfáltbeton qabaty - 64,19 shaqyrym;
modıfıkasıalanǵan polımerli bıtýmmen qıyrshyqtas-mastıka asfált qabaty - 50,26 shaqyrym.
Eki jaqty qozǵalystyń barlyq eni boıynsha jumys aıaqtalǵany atap ótildi. Ol tasjoldyń búkil uzyndyǵy boıynsha aıaqtalǵan.
«Erekshelik - tek 45-ten 47-shaqyrymǵa deıingi ýchaske. Sondaı-aq, úsh jolaıryqtyń shyǵaberisine áli asfált tóselmegen:
ÚAAAJ Almaty - Bishkek tasjoly qıylysynda;
ÚAAAJ Almaty - Shamalǵan tasjoly qıylysynda;
ÚAAAJ Komsomol - Japek batyr tasjoly qıylysynda.
ÚAAAJ salynatyn 40 jolaıyryq pen kópirge keletin bolsaq, olardyń bári derlik salyndy.
«39 ýchaskede qurylys-montaj jumystary aıaqtaldy. Onyń ishinde 36 ýchaskede asfáltbeton jabynyn tóseý boıynsha jumystar oryndaldy. Jeti jolaıryqtyń bárinde jol ótpelerin (jolaıryqtan túsken jerdegi tasjolmen qosyndy) salý jumystary aıaqtaldy. Úsh jolaıryqta ótpeler salý jumystary júrgizilip jatyr. Qalǵan tórt ótpeniń qurylysy aıaqtaldy, onda abattandyrý jumystary júrgizilip jatyr. Jolaıyryqtar boıynsha jumystardy oryndaý - 90 paıyz. Jalpy, ÚAAAJ jobasynyń ózi búginde 85 paıyzǵa daıyn», - dedi kompanıa ókilderi.