Almaty qalasynda birshama ıgilikti ister júzege asyrylyp keledi. Sózimizge búgingi Naýryzbaı aýdanynda júzege asyrylǵan jumystar dálel, dep habarlaıdy Almaty-akshamy.kz.
Bolashaq baladan bastaý alady
Jyl sońyna deıin Shuǵyla shaǵyn aýdanynda 320 oryndyq memlekettik balabaqsha paıdalanýǵa beriledi. Ol jyl basynan beri mektepke deıingi oryndardyń tapshylyǵyn tómendetý maqsatynda aýdanda 475 oryndyq 9 jekemenshik balabaqsha ashyldy. Al jyl sońyna deıin 50 oryndyq taǵy 1 balabaqsha ashý kózdelip otyr. Sonymen qatar, qazan aıynda Quramys jáne Shuǵyla shaǵyn aýdandarynda 640 oryndyq taǵy 2 balabaqsha salý josparlanyp, qarajat bólingen. Ári Qalqaman jáne Shuǵyla shaǵyn aýdandarynda taǵy 560 oryndyq 2 balabaqshany jobalaý bastaldy. 2024 jyldyń sáýir aıynda saraptama qorytyndysyn alǵannan keıin 2024 jyldyń III-shi toqsanynda qurylys jumystary bastalady.
Bilimi myqtynyń biligi myqty
2024 jyldyń I toqsanynda «Álem Sıtı» TÚK aýmaǵynda 1200 oryndyq mektep paıdalanýǵa beriledi. Buǵan qosa, konkýrstyq rásimder ótkizilgennen keıin osy jyldyń qazan aıynda Shuǵyla shaǵyn aýdanyndaǵy №174 mektepke 375 oqýshy oryndyq qosymsha qurylys salý bastalady. Oqýshy oryndarynyń tapshylyǵyn azaıtý maqsatynda «Jaıly mektep» Ulttyq jobasy aıasynda 7 900 oryndyq 5 jańa mektepti jobalaý jáne salý boıynsha jumystar júrgizilýde. Ári «Mektep avtobýsy» jobasy aıasynda Naýryzbaı aýdanynyń 2 asa muqtaj mektebine (№186 – 3 avtobýs, №200 – 2 avtobýs) 2000 oqýshyny qamtıtyn 5 avtobýs bólinedi. Avtobýstar 1 qyrkúıekke deıin jetkizilmek.
Jolaýshyǵa jaıly jol kerek
Naýryzbaı aýdanynyń barlyq shaǵyn aýdandarynda joldardy aǵymdaǵy jóndeý jumystary belsendi júrgizilýde. Búgingi tańda 70 kóshede 30 myń sharshy metr jol jóndeldi. Jyl sońyna deıin 130 kósheni qamtıtyn taǵy 25 myń sharshy metr joldy jóndeý josparlanýda. Sonymen qatar, qalalyq mobıldilik basqarmasy shilde aıynda Aqjar jáne Shuǵyla shaǵyn aýdanynda 10 kóshe boıynsha 6,5 shaqyrym jol salýdy bastady. 10 kóshede 6,9 shaqyrym jolǵa ortasha jóndeý júrgizildi. Aǵymdaǵy jyldyń qarasha aıynyń sońyna deıin uzyndyǵy 7 km bolatyn taǵy 6 kóshede ortasha jóndeý jumystary júrgiziledi.
Deni saýdyń jany saý
Naýryzbaı aýdanynda 500 adam keletin 2 jańa emhana jáne 1 dárigerlik ambýlatorıa salý josparlanýda. Quramys shaǵyn aýdanyndaǵy birinshi emhana boıynsha jobalaý-smetalyq qujattama ázirlengen. Osy jyldyń sońyna deıin memlekettik saraptamanyń oń qorytyndysyn alyp, konkýrstyq rásimder ótkizilgennen keıin qurylysty 2024 jyldyń sáýir aıynda bastaý josparlanyp otyr. Shuǵyla shaǵyn aýdanyndaǵy ekinshi emhana boıynsha jobalaý-smetalyq qujattama ázirlenýde. 2024 jylǵy naýryzda memlekettik saraptamanyń oń qorytyndysyn alyp, konkýrstyq rásimder ótkennen keıin qurylysty 2024 jylǵy maýsymda bastalmaq. Osy jylǵy shilde aıynyń basynda Aqjar shaǵyn aýdanyndaǵy 200 oryndyq dárigerlik ambýlatorıanyń jobalaý-smetalyq qujattamasyn ázirleý qolǵa alyndy.
Qoǵamdyq kólik baǵyttary kúsheıtildi
Naýryzbaı aýdanynyń turǵyndaryna yńǵaıly bolý úshin 3 marshrýttyń jyljymaly quramy jańartylyp, kúsheıtildi, dep málimdedi ákim Erbolat Dosaev Naýryzbaı aýdanynyń turǵyndarymen kezdesýinde. Máselen, №15, 47, 119 marshrýttarda avtobýstar sany 52-den 57-ge deıin ósti. Buǵan qosa, jeltoqsan aıyna deıin Naýryzbaı aýdanyna qyzmet kórsetetin 3 marshrýt: №50 (10-nan 20-ǵa deıin), 118 (23-ten 25-ke deıin), 212 (14-ten 22-ge deıin) jıi júrip, jańartylady.
Kóshe uzarsa, keptelis bolmas
Abaı dańǵylyn Stroıtelnaıa kóshesinen qala shekarasyna deıin (600 metr) uzartý aıasynda búgingi tańda jobalaý-smetalyq qujattamaǵa ózgerister engizilýde. Osy jyldyń sońyna deıin memlekettik saraptamanyń qorytyndysyn alady degen úmit basym. Jumystardy 2024 jyldyń sońyna deıin aıaqtalady degen senimdemiz. Al 700 metr uzartylatyn Tóle bı kóshesiniń jumystary osy jyldyń 20 qarashasyna deıin aıaqtalmaq. Sonymen qatar, Jubanov kóshesin Momyshuly kóshesinen qala shekarasyna deıin uzartý aıasynda búgingi tańda merdiger uıymdy anyqtaý boıynsha konkýrstyq rásimder júrgizilýde. Eskererlik másele jumystar jer ýchaskelerin satyp alýǵa baılanysty júrgiziletin bolady. Negizinen, uzartý jumystaryn 2025 jyldyń sońyna deıin aıaqtaý josparlanǵan.
Til bilgenniń mártebesi bıik
24 tamyz Almatynyń barlyq 8 aýdanynda shet tilderin tegin oqytý boıynsha «Tilder saıabaǵy» jumysyn bastaıdy. Sabaqtar Almaty qalasynyń ákimdigimen, aýdan ákimdikterimen, belsendilermen jáne eriktilermen birlesip uıymdastyryldy. 2023 jyly «Tilder saıabaǵy» jobasy aıasynda qalanyń 5000-nan astam turǵyny 15-ten astam shet tilin tańdaı otyryp, ártúrli jerlerde oqytý josparlanǵan
Turǵyndar talaby – «Jaıly qala»
«Halyq qatysatyn búdjet» baǵdarlamasyn iske asyrýǵa barlyǵy 2,7 mlrd. teńge bólingen. Búgingi tańda Naýryzbaı aýdany turǵyndarynyń talabyna saı ózen jaǵalaýlary men saıabaqtardy abattandyrý jumystary júrgizildi. Búgingi tańda 25 joba aıaqtalyp, baǵdarlamanyń birinshi kezeńiniń 21 jobasy iske asyrylýda, oǵan 1,8 mlrd teńge bólindi. Qarasha aıyna deıin aýdandaǵy 3 jerasty jaıaý júrginshi ótkeli aǵymdaǵy jóndeýden ótip, jaryqtandyrý aspaptary tolyq boıalyp, jóndeledi. Sondaı-aq Almaty qalasynyń batys bóliginde jalpy uzyndyǵy 30 km bolatyn 34 kóshede aryq jelisi men nóser kanalızasıasyn salý jáne rekonstrýksıalaý jobasyn iske asyrý sheńberinde uzyndyǵy 7 km bolatyn 6 ýchaskede jumystar júrgizilýde. Aıaqtalý merzimi - 2024 jyldyń sońy. Osy jyldyń qyrkúıek aıynda Qarǵaly ózeniniń jaǵalaýyn kóriktendire otyryp abattandyrý, syrtqy jaryqtandyrý jelilerin, balalar sport alańdaryn ornatý jáne bógetten Jandosov kóshesine deıin uzyndyǵy 7,7 km bolatyn qoǵamdyq keńistikti jaılastyrý jumystaryn bastaýdy josparlap otyrmyz. Joba ázirlenip, qarajat bólindi (746 mln. teńge). 2024 jyldyń shilde aıynyń sońyna deıin aıaqtaımyz.