25-28 naýryz aralyǵynda qar kóshkini qaýpi saqtalady.
Qala qutqarýshylary almatylyqtardan taýǵa barýdan bas tartýdy surady. Sebebi aldaǵy kúnderi qar kóshkini qaýpi saqtalady, dep habarlaıdy Almaty-akshamy.kz.
Almaty qalalyq tótenshe jaǵdaılar departamentiniń málimetine sáıkes, búgin saǵat 10: 43-te Qotyrbulaq ózeniniń baseıninde jaýyn-shashynnyń túsýine baılanysty № 15 kóshkin jınaǵynda ózdiginen qar kóshkini boldy.
Túsken qar «Pıoner» taý shańǵysy otbasylyq kýrortynyń arqandy jolyna deıin jetti.
«Qazseldenqorǵaý» MM Almaty qalasy boıynsha usynysy boıynsha keshende ornatylǵan arqandy jolynyń jumysy 15 naýryzdan bastap toqtatylǵan bolatyn. Qonaq úıde kelýshiler joq. Aldyn ala aqparat boıynsha zardap shekkender men qıraýlar joq. Kóshkinniń kólemin naqtylaý úshin "Qazseldenqorǵaý" qyzmetkerleri oqıǵa ornyna jiberildi», - dep habarlady qalalyq TJD baspasóz qyzmeti.
Esterińizge sala keteıik, «Qazgıdromet» RMK 2022 jylǵy 24 naýryzdaǵy №8 daýyldy eskertýine sáıkes : úlken jáne Kishi Almaty ózenderiniń baseınderinde qar jamylǵysynyń joǵary bıiktigi men turaqsyz jaǵdaıyna baılanysty 25-28 naýryz aralyǵynda qar kóshkininiń júrý qaýpi saqtalady.