Respýblıka boıynsha jeldiń kúsheıýi kútilýde.
«Qazgıdromet» mamandary 1-3 jeltoqsan kúnderi aýa raıy qandaı bolatynyn boljady, dep habarlaıdy Almaty-akshamy.kz.
Kezekti antısıklonnyń jyljýymen Qazaqstan aýmaǵynyń basym bóliginde kún sýatydy.
«Batysta, soltústik-batysta jáne soltústikte jaýyn-shashynsyz aýa raıy kútiledi. Elimizdiń ortalyǵynda, ońtústiginde jáne ońtústik-shyǵysynda ońtústik sıklonnyń shyǵýy óz áserin saqtaıdy, sonymen baılanysty jaýyn-shashyn ákeledi, negizinen qar túrinde, 01 jeltoqsanda ońtústik pen ońtústik-shyǵystyń taýly aımaqtarynda, 02 jeltoqsanda atmosferalyq fronttardyń ótýimen shyǵysta qatty qar kútiledi», - delingen sınoptıkterdiń habarlamasynda.
Respýblıka boıynsha jeldiń kúsheıýi kútilýde, ońtústik, ońtústik-shyǵysta – tuman, kóktaıǵaq; shyǵys jáne ortalyqta – boran.
«Aýa temperatýrasy túnde elimizdiń batysynda 2-16 aıazdan 5-18 aıazǵa deıin, soltústik-batysta 7-27 aıazdan 14-30 aıazǵaı deıin, soltústik óńirlerde 15-28 aıazdan 22-32 aıazǵa deıin, ortalyqta 5-20 aıazdan 13-30 aıazǵa deıin, respýblıkanyń shyǵysynda 15-35 aıazdan 22-37 aıazǵa deıin, ońtústikte 3-12 aıazdan 8-17 aıazǵa deıin, ońtústik-shyǵysta 1-20 aıazdan 8-28 aıazǵa deıin tómendeýi kútiledi», - dep boljady mamandar.