Almaty – Qonaev tasjolynda jantúrshigerlik jol apaty boldy, dep habarlaıdy aqshamnews.kz tilshisi.
Saldarynan birneshe adam zardap shekti. Jol apaty bolǵan jerden beınejazbalar áleýmettik jelilerde tarady. Kadrlarda trassada birneshe kólikti kórýge bolady.
Almaty oblystyq polısıa departamentiniń málimetinshe, úsh kólik soqytyǵysqan jol apaty 5 maýsymda saǵat 22:50-de Almaty – Óskemen avtojolynyń 47-shaqyrymynda bolǵan.
"Aldyn ala derekter boıynsha, Toyota Camry markaly kóliktiń júrgizýshisi aldynda kele jatqan dál sol markaly kólikpen soqtyǵysqan. Soqtyǵys saldarynan eki kólik te basqarýynan aıyrylyp, jol jıegindegi qorshaýǵa soǵylyp, keıin Toyota Land Cruiser kóligimen qaqtyǵysqan", – dep habarlady polısıa ókilderi.
Jol apatynyń saldarynan birneshe adam túrli dene jaraqatyn aldy, olardyń qatarynda jol talǵamaıtyn kóliktiń júrgizýshisi jáne eki kámeletke tolmaǵan jolaýshy bar.
"Jaraqat alǵandarǵa medısınalyq kómek kórsetilgennen keıin úılerine jiberildi", – dedi polısıa.
Jol-kólik oqıǵasy boıynsha tekseris júrgizilip, barlyq mán-jaı anyqtalyp jatyr.