Soltústik Qazaqstan oblysynyń Taıynsha aýdanyna qarasty Krasnokamenka aýylynda naızaǵaı saldarynan turǵyn úıden órt shyqty, - dep habarlaıdy aqshamnews.kz tilshisi Qazaqstan Media-ǵa silteme jasap.
Qazaqstan Media málimetinshe, oqıǵa 4 maýsymda bolǵan. Naızaǵaı Selınnaıa kóshesinde ornalasqan jeke turǵyn úıdiń shatyryna túsken. Sonyń saldarynan bir bólmedegi tóbe men jıhaz órtenip ketti.
"Ot 20 sharshy metr aýmaqqa taralyp ketken. Oqıǵa ornyna jedel jetken TJD qyzmetkerleri órtti dereý sóndirdi. Zardap shekkender joq", - delingen oblystyq TJD baspasóz qyzmetiniń habarlamasynda.
Qutqarýshylar naızaǵaı maýsymynda qaýipsizdik sharalaryn saqtaýǵa shaqyrady. Mamandar tabıǵı qubylystardyń saldaryn eskerip, turǵyn úı men elektr júıelerin tıisti qorǵanys quraldarymen jabdyqtaý qajettin eskertedi.