Búgin Almaty qalasynyń Óńirlik komýnıkasıalar qyzmetiniń alańynda Qoǵamdyq keńes ókilderiniń qatysýymen baspasóz-konferensıasy ótti. Sarapshylar megapolıstiń keıbir áleýmettik mańyzdy máselelerin sheshýde Qoǵamdyq keńes pen memlekettik organdardyń ózara is-qımylynyń tıimdi nysandary týraly aıtyp, ótken jyl qorytyndylaryn talqylady.
Atap ótetin nárse, qoǵamdyq keńes – ol halyq úni, onyń músheleri – óz isi ári bedelimen úlken kásibı maman ekenin dáleldegen jandar. Qala taǵdyryn oılap, qoǵamymyzǵa paıdaly bolǵysy keletin adamdar. Qoǵamdyq keńes óz jumysynda jol, aýrýhana, búdjet qarajatyn tıimdi paıdalaný jáne taǵy basqa ózekti máselelerdiń barlyǵyn qamtıdy.
Sharany ashqan Almaty qalasy Qoǵamdyq keńesiniń tóraǵasy, «Aqparattyq resýrstyq ortalyq» QQ dırektory, Almaty qalasy máslıhatynyń VIII shaqyrylym depýtaty Altynaı Kóbeeva Qoǵamdyq keńestiń 2016 jyldan beri qalaı jumys istep kele jatqanyna toqtaldy. Qoǵamdyq keńester respýblıkalyq, oblystyq jáne jergilikti deńgeıde qurylyp, jumys atqarady.
Almaty qoǵamdyq keńesiniń quramyna ártúrli salalarda sarapshy bolyp tabylatyn 38 múshe kiredi (konkýrstyq negizde saılanatyn), onyń 35-si azamattyq qoǵam ókilderi jáne 3-ýi memlekettik organdardyń ókilderi. Qoǵamdyq keńestiń quramyna 5 komısıa jáne komısıalar janyndaǵy komıtetter kiredi.
«Jeke jáne birshama naqty máselelerdi sheshý úshin Qoǵamdyq keńes problemalardy taldap, usynystar daıyndaıtyn, sondaı-aq olardyń oryndalý barysy men sapasyn baqylaıtyn táýelsiz jáne bilikti sarapshylardy tartady. Áleýmettik mańyzdy máseleler boıynsha turǵyndarmen ózara árekettesý Facebook jelisindegi «Qalalyq kezekshi» toby, turǵyndardyń QK músheleriniń áleýmettik jelilerine ótinishter jiberý jáne elektrondy poshta arqyly jedel júzege asyrylady», - dep atap ótti A. Kóbeeva.
Jyl basynan beri Qoǵamdyq keńes ártúrli memlekettik organdarǵa túrli máseleler boıynsha 351 ótinish pen usynymdar jiberdi, onyń ishinde jeke tulǵalardyń 328-i ótinishi boıynsha qaraý/jaýap alyndy, sonymen qatar QK komısıalary sonymen qatar, Qoǵamdyq keńes komısıalary jeke jáne zańdy tulǵalardyń (AQ, JSHS, QQ, JK) 70 ótinishin qarady, onyń ishinde 41 ótinishke jaýap berilip, kóptegen máseleler sheshimin tapty. Qalǵan ótinishter qazirgi ýaqytta jumysta, nemese memlekettik organdarda olardyń sheshý quzyretine qatysty jaýaptar berildi.
Altynaı Ormanqalıqyzy óz sózinde, «Samal-2» yqshamaýdany turǵyndarynyń buzylǵan úıiniń ornyna baspana berý máselesi sheshilgenin mysal keltirip, atap ótti.
«Bıyl qańtar aıynda bizdiń Qoǵamdyq keńeske múgedek balanyń anasy, «Zerdeli» shaǵyn aýdanyndaǵy turǵyn úıdiń kireberisinen múgedekter arbasymen shyǵý úshin qolaıly jaǵdaıdyń joqtyǵyna shaǵymdanǵan. Komýnaldyq ınfraqurylymdy damytý basqarmasynyń tekserý qorytyndysy boıynsha bul ýchaski «Almaty qalasynyń 2025 jylǵa deıingi damý baǵdarlamasy jáne 2030 jylǵa deıingi orta merzimdi perspektıvalary» Jol kartasyna jáne «Almatyda ınklúzıvti orta qurý» bólimine engizilgen», - dedi Qoǵamdyq keńes tóraǵasy.
Sonymen qatar, Dýnaevskıı kóshesin tesý saldarynan, balabaqsha aýmaǵy men jasyl jelekterdiń búlingenine shaǵymdanǵan Almagúl yqshamaýdany turǵyndarynyń ótinishinen keıin, Qoǵamdyq keńes músheleri aýdan ákimimen kezdesý uıymdastyryp, qalalyq mobıldilik basqarmasyna úndeý joldady. Kósheni tesý boıynsha jumystar toqtatyldy.
Qala belsendileriniń jumysynyń taǵy bir baǵyty: «MIB, PIK jáne QS basqarýdyń jańa formalary» taqyrybynda dıalogtyq alańdaryn ótkizý. Bıyl 200-den astam úı tirkelgen «Turǵyn úılerdi kútip ustaýdyń Biryńǵaı shoǵyrlandyrýshy ortalyǵy» uıymdastyryldy, jáne de bul úderis jalǵasýda. QK músheleriniń usynystary Almaty qalasynyń ákimine, Premer-Mınıstrge jáne QR Parlamenti Májilisine joldandy.
2 maýsymda Almaty qalasynan QR Senatynyń depýtaty J. B. Asanovanyń QK-nyń keńeıtilgen otyrysy ótti. Onda MIB/PIK/QS quqyqtyq mártebesine jáne QR turǵyn úı-kommýnaldyq sharýashylyq salasyndaǵy zańnamasyna engizilgen ózgeristerge qatysty máseleler talqylandy. Otyrys qorytyndysy boıynsha osy qyzmet salasyna qatysty usynystary bar keıs qalyptastyrylyp, QR Úkimetine depýtattyq suraý salýdy qalyptastyrý úshin jiberildi.
Sóz sońynda, A.Kóbeeva QK belsendileri túrli deńgeıdegi normatıvtik qujattar boıynsha 10 usynys joldaǵanyn atap ótti. III shaqyrylymdaǵy Qoǵamdyq keńestiń qyzmeti búgingi tańda azamattardy tolǵandyratyn máselelerdi sheshý boıynsha aýqymdy jumystyń atqarylǵanyn kórsetedi. Qoǵamdyq keńes bılik pen azamattyq qoǵamdy baılanystyrýshy býyn retinde eki tarap arasynda tıimdi dıalog qura aldy.