Almatyda vokzal mańynda adamdardyń mazasyn alyp, bıletterdi satyp alýdy usynyp, balaǵat sózder aıtqan 60 jastaǵy turǵyn aıyppul tóleýi múmkin.
Almaty-2 stansıasyndaǵy jelilik polısıa bólimshesine ońtústik astananyń 73 jastaǵy turǵyny belgisiz áıelge qatysty shara qabyldaý týraly ótinish bildirdi. Onyń aıtýynsha, egde jastaǵy áıel jolaýshylardyń mazasyn alyp, áýe jáne temirjol bıletterin satyp alýdy usynyp, qoǵamdyq orynda balaǵat sózder aıtqan, dep habarlaıdy Almaty-akshamy.kz Polisia.kz-ke silteme jasap.
Oǵan qatysty QR ÁQBtK-niń 449-baby 1-bóligi (Qoǵamdyq oryndarda tıisý), 434-baby 3-bóligi (Usaq buzaqylyq) boıynsha ákimshilik hattama toltyrylyp, is sheshim qabyldaý úshin Almaty qalasy mamandandyrylǵan aýdanaralyq ákimshilik sotyna joldandy.
Aıta ketý kerek, atalǵan azamatsha buǵan deıin usaq buzaqylyq jazaǵany úshin ákimshilik jaýapqa tartylǵan bolatyn. Qoǵamdyq oryndarda balaǵat sózder aıtqany úshin quqyq buzýshyǵa 20 aılyq eseptik kórsetkish (69 000 teńge) kóleminde aıyppul salynýy múmkin. Esterińizge sala keteıik, aǵymdaǵy jyl basynan beri kólik polıseıleri elimizdiń áýe jáne temirjol kóligi obektilerinde 16 720 ákimshilik quqyq uzýshylyq faktisin anyqtaǵan bolatyn. Onyń ishinde qoǵamdyq oryndarda tıiskeni úshin – 930, usaq buzaqylyq jasaǵany úshin – 217 adam jaýapqa tartylǵan.