Máslıhat jergilikti ókiletti organ retinde bul prosesti zańnamaǵa sáıkes barynsha ashyq, jarıa túrde jáne qoǵammen dıalog formatynda uıymdastyrdy.
⠀
Birneshe kezeńdik konkýrs pen ashyq translásıamen ótken suhbattasýlar nátıjesinde Keńes quramyna 42 adam endi, dep habarlaıdy aqshamnews.kz.
Olardyń ishinde:
39 – azamattyq qoǵam, komersıalyq emes sektor men sarapshylyq qaýymdastyq ókilderi,
3 – memlekettik organdardyń ókilderi.
⠀
Barlyǵy 165 ótinim kelip tústi – bul qalamyzdaǵy azamattyq belsendiliktiń joǵary deńgeıin kórsetedi. Qujattardy tekserý barysynda 7 úmitker konkýrsqa jiberilmedi, 5-i kelesi kezeńnen bas tartty. Qalǵandary jumys tobynyń múshelerimen jeke suhbattan ótti. Jumys tobyna qoldanystaǵy Keńes músheleri, máslıhat depýtattary jáne ÚEU ókilderi kirdi. Onyń quramy da ashyq daýys berý arqyly bekitildi.
⠀
Jańartylǵan quramda:
▫️ 70%-dan astamy buǵan deıin Keńes quramynda bolmaǵan jańa músheler
▫️ Bilim berý, densaýlyq saqtaý, mádenıet, óndiris, áleýmettik osal toptardy qorǵaý jáne basqa da negizgi salalar qamtylǵan
▫️ 35 jasqa deıingi jastar úlesi 21,4%-ǵa deıin ósti, Keńes músheleriniń ortasha jasy – 46
▫️ Keńeske alǵash ret oralmandar men Ulttyq quryltaı músheleri endi
▫️ Genderlik jáne etnıkalyq quram megapolıstiń san alýandyǵy men áleýmettik qurylymyn kórsetedi.
⠀
Quram – tájirıbe, jańa ıdeıalar men azamattyq belsendiliktiń úılesimi. Jańa Qoǵamdyq keńes bılikpen tıimdi dıalog alańyna aınalyp, qalalyq ómirdiń ózekti máselelerin sheshýde mańyzdy ról atqaratynyna senimdimin.
⠀
Keńestiń jumysy ashyq, júıeli ári esepti bolady. #MaslikhatAlmaty burynǵydaı onyń qyzmetine jan-jaqty qoldaý kórsetip, turǵyndarmen dıalogtyń ashyqtyǵyn qamtamasyz etedi.
⠀
Bastamashyl bolyp, ótinim bergen barshańyzǵa alǵys aıtamyn. Sizderdiń belsendilikterińiz – qýatty ózin-ózi basqarýdyń kepili jáne «Halyq únine qulaq asatyn memlekettiń» negizi.
Jańartylǵan quramnyń tizimin osy jerden kórýge bolady.
⠀