Búgin balalardyń «SOS» aýylynda Almaly aýdany komýnaldyq ortalyǵynyń jastary «Almaty - bizdiń ortaq úıimiz» aksıasy aıasynda «Áleýmettik sheberhana» aksıasyn ótkizdi.
Aksıanyń negizgi maqsaty-qarttar úıleri, balalar úıleri, úısizderge kómek kórsetý ortalyqtary jáne basqa da osyndaı uıymdar sıaqty áleýmettik mekemelerdegi jaǵdaıdy jaqsartýǵa járdemdesý, dep habarlaıdy Almaty-akshamy.kz.
Aksıa aıasynda Almaty qalasynyń belsendi jastary aýmaqty tazartýǵa, balalar úıiniń oryndyqtary men oıyn alańyn boıaýǵa kómektesti.
Esterińizge sala keteıik, 8 sáýirde «Almaty – bizdiń ortaq úıimiz» naýqany bastaldy. Árbir turǵyn qalanyń damýy men abattandyrylýyna óz úlesin qosa alady.
Barlyq aqparat almaty.kz saıtynda, Almaty ákimdiginiń áleýmettik jelilerinde ornalasqan. Sondaı-aq, veb-saıtqa arnaıy QR-kod arqyly qala boıynsha ornalastyrylǵan bannerlerde, plakattarda jáne afıshalarda kirýge bolady.