"Kazgıdromed" RMK Qazaqstan aýmaǵy boıynsha 2024 jylǵy 9-11 sáýirge arnalǵan aýa raıy boljamyn usyndy, dep habarlaıdy almaty-akshamy.kz.
Respýblıka aýmaǵynyń basym bóligi áli de atmosferalyq frontaldy bólimderdiń yqpalynda bolady. Osyǵan baılanysty túnde jaýyn-shashyn (negizinen jańbyr túrinde), kúndiz jańbyr jaýýy boljanady.
Qatty jańbyr 9 sáýirde elimizdiń ońtústiginde jáne ońtústik-shyǵysynda, qatty jaýyn-shashyn 9-11 sáýirde shyǵysta, 11 sáýirde ortalyǵynda kútiledi. Sondaı-aq jel kúsheıedi, ońtústik aımaqtarda naızaǵaı, burshaq jáne qatty jel boljanady.
Kúndiz respýblıkanyń soltústiginde aýa temperatýrasy 0-8 gradýs jyly, soltústik-batysta, shyǵysta jáne ortalyqta 5-15 gradýs jyly, batysta jáne ońtústikte 15-23 gradýs jyly bolady.
Qazaqstan boıynsha túngi jáne tańerteńgi saǵattarda tuman kútiledi.