Budan ózge, qala turǵyndaryn jumysqa ornalastyrý boıynsha baǵdarlamalar jumys isteıdi.
Almaty qalasy Áýezov aýdanynyń ákimi Saıran Saıfedenov Óńirlik komýnıkasıalar qyzmetiniń baspasóz konferensıasynda osy maqsattarǵa 2021 jyly 189 mıllıon teńge baǵyttalǵanyn aıtty, dep habarlaıdy Almaty-akshamy.kz
Saıran Saıfedenov atap ótkendeı, aýdanda 584 otbasynan 2 784 adam AÁK alady. Otbasynyń bir múshesine aı saıynǵy tólemderdiń ortasha mólsheri 8 571 teńgeni qurady.
Aýdanda halyqtyń az qamtylǵan áleýmettik osal toptarynan barlyǵy 14 378 adam bar. Onyń ishinde 6 707 múgedek, 3 756 kóp balaly jáne az qamtylǵan otbasy, 3 915 eń tómengi zeınetaqy alatyn zeınetkerler bar.
Aýdan ákimdiginiń volonterleri men qyzmetkerleri bıyl 4 541 otbasyn qajetti azyq-túlikpen qamtamasyz etti: «Halyq» qorynan 648 muqtaj otbasyǵa jáne demeýshilerden 3 893 otbasyna kómek kórsetildi.
Budan ózge, qala turǵyndaryn jumysqa ornalastyrý boıynsha baǵdarlamalar jumys isteıdi. Osy jyly Áýezov aýdanynda 5 000-nan astam turǵyn jumyspen qamtyldy.
Jergilikti atqarýshy organdar jumys izdeýge kómektesip qana qoımaı, biliktilikti arttyrý kýrstaryna jiberedi, óz isin ashýǵa járdemdesedi, jańa daǵdylarǵa úıretedi, - dedi aýdan ákimi.
Mysaly, «Eńbek» baǵdarlamasy boıynsha bıyl 5085 adam jumysqa ornalastyryldy: turaqty jumysqa – 3 048, áleýmettik jumys oryndaryna – 175, qoǵamdyq jumystarǵa – 1 200, jastar tájirıbesine oqý oryndarynyń 267 túlegi jiberildi. Bıznes ashýǵa 203 almatylyq grant alsa, qysqa merzimdi kýrstardan 163 adam ótti jáne 29 adam alǵashqy jumys ornyna qyzmetke ornalastyryldy.
Saıran Saıfedenov jergilikti atqarýshy organdardyń áleýmettik beıimdelýge jáne kásiptik baǵdar berýge de yqpal etetinin atap ótti. «Qoldaý» baǵdarlamasy boıynsha Áýezov aýdanynyń 14 turǵyny óz bıznesin ashýǵa 2-5 mıllıon teńgege deıin grant aldy. Granttyq qoldaýdyń jalpy somasy 45 mıllıon teńgeden asty.