Áýezov aýdanynyń ákimi Saıran Saıfedenov Óńirlik komýnıkasıalar qyzmetinde ótken baspasóz konferensıasynda aýdandy abattandyrý salasyndaǵy 2021 jyldyń aldyn ala qorytyndysyn shyǵardy.
Áýezov aýdanynda jalpy uzyndyǵy 255 km quraıtyn 204 kóshe bar. Búginde olardyń barlyǵy 100% asfálttalǵan, 90% jaǵdaıy jaqsy dep baǵalanady, dep habarlaıdy Almaty-akshamy.kz
Qazirgi kezde jol shuńqyrlaryn aǵymdaǵy jóndeý jumystary jalǵasýda, 21 myń sharshy metr joldaǵy aqaýlar joıyldy.
Joldardyń ortasha jóndeýi aıaqtalyp, jalpy uzyndyǵy 21,5 km bolatyn 33 kóshege asfált tóseldi.
Sonymen qatar, búginde uzyndyǵy 4 km (100%) 14 ýchaskede trotýarlardy jaılastyrý aıaqtaldy.
Saıran Saıfedenovtyń aıtýynsha, aýdandy abattandyrýdyń basym máseleleriniń biri kósheni sapaly jaryqtandyrý bolyp tabylady.
- Bıyl aýdan aýmaǵynda 89 ýchaske boıynsha qosymsha 1 166 sham ornatyldy, - dedi aýdan ákimi.
Ol toǵyz kóshedegi eski shamdardy zamanaýı LED shamdarǵa aýystyrý jalǵasyp jatqanyn aıtty. Qazirgi ýaqytta 151 jaryq núktesi ornatylǵan.
Sonymen qatar, Áýezov aýdanynda aýlalar men qoǵamdyq keńistikter abattandyrylady.
Aýdan ákiminiń aıtýynsha, turǵyndar ómir súrý úshin qolaıly jáne jaıly orta qurýǵa belsendi qatysady, kógaldandyrýǵa kómektesedi. Mysaly, Áýezov aýdanynda «Búdjetke qatysý» baǵdarlamasynyń búkil jumys kezeńinde turǵyndar 230 usynys bergen. Onyń ishinde 26 joba iske asyryldy.
N. Sas atyndaǵy jasóspirimder teatryna irgeles aýmaq abattandyryldy, skeıt-park salyndy, Togyzkumalak Smart Nation ústelderi ornatyldy jáne 4-shi shaǵynaýdandaǵy balalar alańdary jóndeldi, - dep naqtylady Saıran Saıfedenov.
Sondaı-aq, bıyl qoǵamdyq keńistikti abattandyrý aıasynda taǵy 7 joba júzege asyryldy: Saın - Jubanov kópiriniń astynda jáne "Tastaq-1" shaǵynaýdanynda sport alańdary, jaıaý júrginshiler aımaǵy jaılastyryldy. "Aqsaı-3a", 1-shi shaǵynaýdan ýchaskesi abattandyryldy.
№8 úıdiń janynda, Tóle bı kóshesi boıyndaǵy Iassaýı men Momyshuly arasyndaǵy, Iassaýı kóshesi men Saın - Shalápın aýmaǵyndaǵy jaıaý júrginshiler aımaǵy retke keltirildi.
Bıylǵy jyly josparlanǵan 99 aýla aýmaǵynyń 89 aýlasynda abattandyrý jumystary aıaqtaldy, qalǵandarynda jumys júrip jatyr.
2022 jylǵa 146 jobalyq usynys berildi, onyń 46-sy daýys berýge jiberildi. Daýys berý qorytyndysy boıynsha 23 joba iske asyryldy.