Bilim oshaqtaryn paıdalanýǵa berý 2022-2023 jyldarǵa josparlanyp otyr
Áýezov aýdanynyń ákimi Saıran Saıfedenov Óńirlik komýnıkasıalar qyzmetiniń baspasóz konferensıasynda jeke mektepter salý jáne bes memlekettik mektepti keńeıtý týraly aıtyp berdi, dep habarlaıdy Almaty-akshamy.kz
Spıkerdiń málimetinshe, búginde aýdanda 33 memlekettik (50 855 balaǵa) jáne 12 jeke (2505 balaǵa) mektep jumys isteıdi. 2021-2022 oqý jylynda oqýshylardyń jalpy kontıngenti – 53 360 bala.
« 2020 jyly oqýshy oryndarynyń tapshylyǵy 4 699 oryndy qurady, búgingi kúni kontıngenttiń ulǵaıýyna baılanysty tapshylyq 5 169 oryndy quraıdy. Bul máseleni sheshý úshin ótken jyly №6, 117, 121, 132, 133 - barlyǵy 5 mektepte jalpy 3 600 oqýshy ornyna eseptelgen japsarjaı qurylysy bastaldy. Qazirgi ýaqytta úsh mektepte jumys aıaqtaldy, ekeýi jyl sońyna deıin aıaqtalady», – dedi Áýezov aýdanynyń ákimi.
Saıran Saıfedenov bıyl eki jekemenshik mektep – 160 oryndyq AVS jáne 100 oryndyq «Kemel» mektepteri ashylǵanyn aıtty. Jyl sońyna deıin taǵy da eki jekemenshik mektep – 400 oryndyq «Órken» jáne 300 oryndyq Almaty-High school ashý josparlanyp otyr.
Joǵaryda atalǵan nysandar paıdalanýǵa berilgennen keıin 2021 jyldyń sońynda tapshylyq ótken jylmen salystyrǵanda 4 560 orynǵa tómendep, 609 oryndy quraıtyn bolady.
Sondaı-aq, qazirgi ýaqytta aýdanda 7 mektepti seısmıkalyq kúsheıtýge jáne kúrdeli jóndeýge JSQ ázirlenýde. Olar - №127, 9, 97, 141, 122, «Bilim-ınnovasıa», №155 mektep fılıalyn qaıta qurý. Qurylys-montaj jumystary 2022-2023 jyldarǵa josparlanǵan.
Mektepke deıingi bilim berýge keletin bolsaq, qazirgi ýaqytta aýdan boıynsha balabaqshalarda tapshylyq 8 047 oryndy quraıdy. Bıyl 752 oryndyq 10 jekemenshik balabaqsha ashyldy.
№23 jáne №186 balabaqshalarda kúrdeli jóndeý aıaqtaldy. Shaǵyn aýdanda balabaqsha qurylysyna JSQ ázirlenýde. 120 orynǵa arnalǵan "Altyn besik", sondaı-aq, "Aqsaı-2" shaǵynaýdany, 2 úı, "Aqsaı-2" shaǵynaýdany, 58 úı mekenjaılaryndaǵy bóbekjaı ǵımarattarynyń seısmoturaqtylyǵyn kúsheıtý jáne kúrdeli jóndeý jobalaryn ázirlenedi. Nysandardy paıdalanýǵa berý 2022-2023 jyldarǵa josparlanyp otyr.