Qazaqstan Respýblıkasy Mádenıet jáne aqparat mınıstriniń 2024 jylǵy 10 qyrkúıektegi №418-NQ buıryǵyna sáıkes sıfrlyq efırlik teleradıo habarlaryn taratýǵa kóshý Erejesi bekitildi.
Sıfrlyq efırlik telekórsetilim joǵary sapaly keskin men dybysty alýǵa múmkindik beredi, sonymen qatar arnalar men baǵdarlamalardyń úlken tańdaýyn usynady. Eski úlgidegi sıgnal syrtqy áserlerge óte osal, mysaly, aýa-raıynyń qolaısyzdyǵyna baılanysty jáne qatty jelde joǵalyp ketýi múmkin. Sıfrlyq efırlik telekórsetilim joǵary qorǵanys deńgeıine jáne sıgnal sapasyna ıe, ol uzaq qashyqtyqta qabyldanady. Endi analogtyq habar taratý bir taratqysh – bir arna prınsıp boıynsha jumys isteıdi, al sıfrlyq telekórsetilimde kóptegen arnalardy taratýǵa múmkindik beredi.
«Mass-medıa týraly» Qazaqstan Respýblıkasynyń Zańyna sáıkes memlekettik ataýly áleýmettik kómek alýshylar bolyp tabylatyn jeke tulǵalardy televızıalyq abonenttik prıstavkalarmen (17.09.2024 jylǵy №433-NQ) qamtamasyz etý qaǵıdalary bekitildi, oǵan sáıkes ataýly áleýmettik kómek alýshylar (budan ári-AÁK) jetkizý jáne ornatý nysandarynda abonenttik prıstavkalarmen óteýsiz negizde qamtamasyz etiledi.
AÁK alýshy jalǵamalardy alý úshin turǵylyqty turatyn jeri boıynsha Almaty qalasy aýdandyq ákimdikteriniń jumyspen qamtý jáne áleýmettik baǵdarlamalar bólimine ótinishpen júginý qajet.
Almaty qalasynyń aýdandyq ákimdikteriniń jumyspen qamtý jáne áleýmettik baǵdarlamalar bólimderiniń mekenjaılary:
Alataý aýdandyq bólimi - Nýrkent 5/18 y-a, tel: 393-89-26
Almaly aýdandyq bólimi - Seıfýllına k-si, 577, tel: 261-02-81
Áýezov aýdandyq bólimi - 3 y-a, 41V, tel: 277-48-83
Bostandyq aýdandyq bólimi - Jandosova k-si, 2, tel: 392-22-95
Jetisý aýdandyq bólimi - Serikova k-si, 6a, tel: 227-05-36
Medeý aýdandyq bólimi - Tole bı k-si, 12, tel: 291-18-21
Naýryzbaı aýdandyq bólimi - Shýǵyla y-a, 347 tel: 385-71-48
Týrksib aýdandyq bólimi - Rıharda Zorge k-si, 18A, tel: 338-30-60