Tergeý kezinde 9 mıllıon teńge jáne túrli banktiń jeti tólem kartasy, uıaly telefondar, fleshkalar men SIM-kartalar tárkilendi.
Ustalǵan alaıaqtar halyqty 50 mıllıon teńgege aldap ketken, dep habarlaıdy Almaty-akshamy.kz
Banktiń qaýipsizdik qyzmeti atynan halyqty aldaǵan taǵy bir alaıaqtar toby quryqtaldy.
Temirtaýdyń Starogorodskaıa polısıa bólimine 38 jastaǵy qala turǵyny aryzdanǵan. Oǵan belgisiz bireýler banktiń atynan eki apta boıy habarlasyp, esepshottaǵy aqshany alaıaqtardan saqtaý qajettigin aıtqan. Jábirlenýshi mobıldi bankıng arqyly belgisiz shotqa 11 mıllıon teńge aqshasyn ózi jibergen.
Alaıaqtar Almaty qalasynda ustaldy. Olar Qaraǵandy qalasynyń turǵyndary bolyp shyqty. Bireýi - 31 jasta, al ekinshisi – 27-de.
«Jedel izdestirý is-sharalary kezinde birneshe banktiń tólem kartasy tárkilendi. Sondaı-aq kúdiktilerdiń turǵylyqty jeri boıynsha tergeý amaldary júrgizilip, birneshe tólem kartasy tabyldy», - deıdi polıseıler.
Buǵan deıin Qaraǵandy oblysy polısıa departamentiniń kıberqylmysqa qarsy kúres basqarmasynyń qyzmetkerleri banktiń kúzet qyzmetimen birlesip, jábirlenýshige kredıt retinde bergen aqshasyn urlamaq bolǵan bir top alaıaqty ustaǵan bolatyn. Tergeý kezinde 9 mıllıon teńge jáne túrli banktiń jeti tólem kartasy, uıaly telefondar, fleshkalar men SIM-kartalar tárkilendi. Jalpy, ustalǵan alaıaqtar halyqty 50 mıllıon teńgege aldap ketken.
Qazirgi kezde barlyǵy Qylmystyq kodekstiń 190-babynyń 3-bóligi (Alaıaqtyq) boıynsha jaýapqa tartylyp otyr. Sotqa deıingi tergeý sharalary bastaldy. Kúdiktilerdiń osyǵan uqsas basqa da faktilerge qatysy bar-joǵy tekserilip jatyr. Jalǵan bank qyzmetkerleri jeti jylǵa deıin bas bostandyǵynan aıyrylýy múmkin. Múlki de tárkilenedi.