2022 jyldyń 1 shildesinen bastap PIK óz jumysyn toqtatady.
Kóp páterli úılerdiń turǵyndary múlik ıeleriniń birlestigine ( MIB) nemese jaı seriktestikterge (JS) kóshýleri tıis.
MIB-niń JS-den aıyrmashylyǵy:
MIB - bul komersıalyq emes uıym (KEU) bolyp tabylatyn zańdy tulǵa jáne oǵan salyq salý KEU-da qoldanylatyn normalarǵa sáıkes júzege asyrylady. MIB-ter Ádilet mınıstrliginde tirkelýi jáne orardyń óz jarǵysy bolýy tıis.
Jaı seriktestik - bul páterler men turǵyn emes úı-jaılardyń barlyq menshik ıeleriniń zańdy tulǵa qurmaı, tikeleı birlesip basqarýy. Tirkeý jáne jarǵy talap etilmeıdi.
Búginde Almatyda 4 294 kóp páterli turǵyn úıdi (KPTÚ) qamtı otyryp, basqarýdyń 3 983 jańa nysany tirkelgen, onyń ishinde 857 MIB jáne 3 126 JS, bul nátıjesinde basqarýdyń jańa nysandaryna kóshýge jatatyn KPTÚ jalpy sanynyń 60,2%-yn quraıdy.
Turǵyn úı saıasaty basqarmasy qalalyq JOL kartasyn, turǵyndar arasynda jınalystar ótkizý kestesin bekitti. TKSH reformasy bastalǵannan beri epıdemıologıalyq jaǵdaıdy eskere otyryp, shamamen 3 500 KPTÚ qamtýmen 1 300 jınalys ótkizildi. Sondaı-aq, ZOOM arqyly turǵyndarmen 200-ge jýyq onlaın-kezdesý uıymdastyryldy.
Qazirgi ýaqytta TKSH reformasyn iske asyrýda keıbir problemalyq máseleler bar:
- PIK-tiń úıdi MIB-ke, KPTÚ-ge qujattar men aqsha qarajatyn berýden bas tartýy. Bul máseleler kóptegen jaǵdaılarda sot sheshimimen júzege asyrylady, óıtkeni basqarý organdarynyń tóraǵalary qabyldaý-tapsyrý aktisine óz erkimen qol qoıýdan bas tartady.
- páterlerdiń, turǵyn emes úı-jaılardyń menshik ıeleri kondomınıým quramyna engizilmegen úı janyndaǵy jáne aýla aýmaqtaryn tazartýdan bas tartady;
- aqsha qarajatynyń az túsýine baılanysty úılerdi kútip-ustaýdaǵy qıyndyqtar.
Barlyq problemalyq máseleler boıynsha QR IIDM-ge hattar joldandy. Sondaı-aq, QR Parlamenti Májilisiniń qaýlysy boıynsha Almaty qalasy TKSH reformalaý jónindegi jumys tobynyń quramyna engizildi.
MIB jáne JS qurý úshin qandaı qadamdar jasaý kerektigin esterińizge salamyz:
1-qadam. Páterlerdiń, turǵyn emes úı-jaılardyń barlyq menshik ıeleri aldaǵy jınalys týraly (jınalys ótkizilgenge deıin 10 kún buryn) habardar bolýy tıis.
Jınalys menshik ıeleriniń keminde 10%-ynan turatyn bastamashyl toby arqyly shaqyrylady.
2-qadam. Kún tártibi belgilenedi:
- basqarý túrin tańdaý ( MIB, JS);
- MIB tóraǵasyn nemese JS-tiń senimdi ókilin saılaý (1 jyl merzimge);
-úı keńesiniń múshelerin saılaý (keminde 3 menshik ıesi, 3 jyl merzimge);
- Tekserýshini nemese tekserý komısıasyn saılaý (keminde 3 menshik ıesi, 3 jyl merzimge);
- jarǵyny bekitý.
3-qadam. Jınalys ótkizý.
Menshik ıeleriniń jartysynan kóbi qatysqan kezde sheshim qatysýshylardyń kópshilik daýysymen qabyldanady.
Kvorým bolmaǵan jaǵdaıda jazbasha saýalnama júrgiziledi.
4-qadam. Jazbasha saýalnama.
Páter ıeleriniń, turǵyn emes úı-jaılardyń jartysynan astamynyń qatysýymen sheshim qatysýshylardyń kópshilik daýysymen qabyldanady.
5-qadam. Daýys berýdi qorytyndylaý.
Tirkeý jáne daýys berý paraqtaryn qosyp, hattamany resimdeý.
6-qadam. MIB-in tirkeý.
"Azamattarǵa arnalǵan úkimet" memlekettik korporasıasy" KEAQ tirkeý úshin talap etiletin qujattar tizbesi:
- Ótinish;
- Jınalys hattamasy;
- Jarǵynyń 2 danasy;
- Memlekettik baj salyǵyn tólegeni týraly túbirtek.
Tirkeý nátıjeleri boıynsha zańdy tulǵany memlekettik tirkeý týraly anyqtama beriledi.
7-qadam. Aǵymdaǵy jáne jınaq shotyn ashý.
8-qadam. MIB tóraǵasy jumys istep turǵan basqarý organyna (PIK, PKSK, PK) jáne turǵyn úı ınspeksıasyna MIB-tiń qurylǵany týraly habarlama jiberedi.
9-qadam. Qyzmetterdi jetkizýshilermen jáne servıstik qyzmet sýbektilerimen sharttar jasaý. MIB tóraǵasyna memlekettik tirkeý týraly kýálikti jáne qabyldaý-tapsyrý aktisin usynady
10-qadam. Óz úılerin qamqorlyqpen jáne jaýapkershilikpen basqarý.