Bul - «Shetsiz qala» baǵdarlamasy aıasynda júzege asyrylǵan joba.
Mereke qarsańynda Almaty qalasy Medeý aýdany Dýman shaǵynaýdanynda «Shyńǵa órleý» jańa áleýmettik klýbynyń ashylý saltanaty ótti, dep habarlady Almaty-akshamy.kz.
Atalmysh klýbta taqyryptyq keshter, sheberlik synyptary, qyzyqty adamdarmen kezdesýler, dárister, ashyq aspan astyndaǵy sporttyq sabaqtar, shaǵyn aýdan turǵyndary úshin ekskýrsıalar ótkizildi. Áleýmettik klýbqa balalar qatysa alady, al olarǵa zeınet jasyndaǵy adamdar sabaq beredi.
«Shyńǵa órleý» – Almaty ákimi Baqytjan Saǵyntaevtyń tapsyrmasy boıynsha «Shetsiz qala» baǵdarlamasy aıasynda júzege asyrylǵan joba. Osy bastamanyń arqasynda árbir almatylyq, turǵylyqty jerine qaramastan, teń ómir súrý standarttaryna ıe bolady.
Áleýmettik klýbtyń ashylýy karantındik shekteý sharalaryna baılanysty onlaın-formatta qatysýshylardyń eń az sanymen ótti. Bul jobanyń maqsaty - az qamtylǵan otbasylardan shyqqan bastaýysh mektep jasyndaǵy balalarǵa ómirlik tájirıbeni, bilim men daǵdylardy berýdiń úılesimdi prosesin qalyptastyrý arqyly aǵa býyn ókilderi men múmkindigi shekteýli adamdardy qoǵamdyq ómirge tartý.
«Shyńǵa órleý» áleýmettik klýbyna kóp balaly jáne az qamtylǵan otbasylardyń balalary tegin bara alady. Joba 1-4 synyp oqýshylarynyń tulǵalyq damýyna qolaıly jaǵdaı jasap qana qoımaı, sonymen qatar óskeleń jáne aǵa býyn arasyndaǵy sabaqtastyq prınsıpterin qalyptastyra otyryp, turmysy tómen ári kópbalaly otbasylarǵa qoldaý kórsetedi.
Kóp balaly ana Bıbinur Shıralıeva bul jobanyń Dýman shaǵynaýdanyna qajet ekenin aıtty.
«Bul aýdanda kóp balaly otbasylar jáne balalary ósip kele jatqan jas otbasylar kóp. "Shyńǵa órleýdiń" arqasynda balalardyń damýyna, olardyń tárbıesine kóńil bólinedi. Demalysta jáne sabaqtan tys ýaqytta olar mýzykamen aınalysa alady, úıirmelerge qatysyp, tájirıbesi bar aǵa býynnan bilim alady. Óz kezeginde aǵa býyn úshin bul ortalyq jumysyn jalǵastyrýǵa múmkindik beredi. Zeınetkerler sabaq júrgizedi», – deıdi Bıbinur Shıralıeva.
