Mundaı aksıalar aldaǵy ýaqytta da jalǵasady.
Alataý aýdandyq ákimdiginde vaksına alǵan azamattar arasynda turmystyq tehnıka utys oıyny ótkizildi, dep habarlady Almaty-akshamy.kz.
2-30 maýsym aralyǵynda aýdannyń barlyq ekpe pýnktterinde utys oıynyna qatysýǵa múmkindik beretin lotereıa bıletteri taratyldy. Jeńimpazdar lototrondaǵy kezdeısoq irikteý arqyly anyqtaldy.
Sońǵy lotereıa utysyna Alataý aýdanynyń ákimi Azamat Qaldybekov qatysyp, aýdan turǵyndaryna jaýapty azamattyq ustanymy úshin alǵysyn bildirdi.
«Almatylyq epıdemıologtar Sovid-19-ǵa qarsy ekpe alýdyń ujymdyq ımýnıtetti qalyptastyrýda mańyzy zor ekenin aıtty. Vaksına qarqynyn tezdetý úshin vaksına alǵandardy yntalandyrýdy jón kórdik. Koronavırýstyń tórtinshi tolqynyndamyz. Almatyda jańa "delta" shtamy paıda boldy. Ol óte qaýipti. Sondyqtan ujymdyq ımýnıtetti qalyptastyrýǵa óz úlesin qosqan aýdan turǵyndaryna alǵys aıtqym keledi», – dedi aýdan ákimi.
Alǵashqy júldegerlerge 5 mýltıvarka berildi. Jeńimpazdardyń arasynda Almaty qalasynyń turǵyny Anar Qusaıynova da bar.
«Men balalarymnyń qaýipsizdigi úshin vaksına aldym. Vaksına alǵan kezde maǵan bılet berilip, utys oıynyna shaqyrdy. Men utys oıynynyń jeńimpazy bolǵanyma qýanyshtymyn», – dedi Anar Qusaıynova.
İs-sharany uıymdastyrýshylardyń aıtýynsha, mundaı aksıalar aldaǵy ýaqytta da jalǵasady. Dárigerler qalada ujymdyq ımýnıtetti qalyptastyrý úshin halyqtyń 75% vaksına alýy qajet ekenin aıtty.
Eske salsaq, Almatyda medısınalyq uıymdarda, mektep, mádenıet, sport nysandarynda, bazar men qalanyń SOSO-da 211 vaksına pýnkti jumys isteıdi (250-ge deıin ulǵaıtý múmkindigimen). 1 257 adam jumyldyrylǵan 304 ekpe brıgadasy qyzmet atqarady.
2021 jyldyń 1 aqpany men 2 shildesi aralyǵynda Almatyda barlyǵy 487 736 adam vaksına aldy. Ótken táýlikte 15 292 adam ekpe aldy. 60 jastan joǵary vaksına alǵan adamdar sany 81 202 adamdy quraıdy.