Qazaqstanda sapaly vaktsınalardyń kómegímen qauíptí vırustan qorǵanu múmkíndígí bar.
Almaty jastardyń resurstyq ortalyqtarynyń úılestírushílerí men belsendílerí mamyr aıynda koronavırusqa qarsy vaktsınanyń ekínshí komponentín aldy. Bauyrjan Mahanbet pen Dıdarbek Díldabek qala tūrǵyndaryna vaktsınanyń qajettílígí turaly aıtty, dep habarlaıdy Almaty-akshamy.kz.
Bauyrjan Mahanbet - Nauryzbaı audanynyń jastardyń resurstyq ortalyǵynyń úılestírushísí. Jas kóshbasshy índetke deıín mektep oqushylarymen, student jastarmen kezdesuler ótkízgenín aıtty. Ol almatylyq jastardy qyzyǵushylyqtary boıynsha auqymdy būqarany qamtuǵa, kásíbı baǵdarlau jūmysyn júrgízuge, zıyatkerlík oıyndardy ótkízuge bolatynyn jetkízdí.
«Búgín bíz ís-sharalardyń basym bólígín onlaın formatqa kóshírdík. Ońaı emes, óıtkení studentter men oqushylar kezdesulerdí saǵynady. Shaǵyn top bolyp jınalyp, ís-sharalar ótkízu kerek. Sondyqtan qala tūrǵyndary, ásírese, jastar ūjymdyq densaulyqty qoldap, ortaq ımmunıtettí qalyptastyruǵa kómektesuí kerek. Būl árkímníń jeke ísí emes, ūjymdyq jauapkershílígí boluy tıís», – deıdí Bauyrjan Mahanbet.
Bauyrjan Mahanbettíń otbasynyń barlyq múshelerí koronavırusqa qarsy ekpe aldy. Mysaly, Bauyrjan men onyń jastar resurstyq ortalyǵyndaǵy áríptesterí de vaktsına aldy.
«Bíz ūjymdyq ımmunıtettí tezírek qalyptastyrsaq, soǵūrlym qalypty ómírge tez oralamyz. Barlyq salalar qalypty jūmys ísteıtín bolady, būl adamdardyń ál-auqatyna tíkeleı baılanysty», – dedí jas kóshbasshy.
Almaty qalasy Medeu audany jastardyń resurstyq ortalyǵynyń taǵy bír úılestírushísí Dıdarbek Díldabek te koronavırusqa qarsy ekpe aldy. Sondaı-aq ūjymnyń bes múshesí de vaktsına alǵan. Sonymen qatar halyq sanaǵy kezínde 50-den astam volonter ekpe aldy.
Jas belsendílerdí vaktsınalau «Alma Sıtı» sauda úıíníń ekpe punktínde júrgízíldí.
«Bízdíń elímízde joǵary sapaly vaktsınalardyń kómegímen qauíptí vırustan qorǵanu múmkíndígí bar. Meníń otbasymnyń múshelerí koronavıruspen auyrǵan joq. Bíraq aurudyń densaulyqqa tıgízetín áserí turaly estídím. Típtí jastarǵa da tózu qıyn. Jańa shtamdar erekshe qauíp tóndíredí. Óz densaulyǵymyzdy oılap, ekpe alu kerek», – dedí Dıdarbek Díldabek.
Belsendíníń aıtuynsha, aldaǵy uaqytta elímízde halyq sanaǵy ótedí. Ūıym eríktílerí būl sharaǵa kómektesuge daıyn. Táuekel tobyna túspeu úshín barlyq eríktí sūhbat alushylar vaktsına aldy. Vaktsınanyń kómegí sízge oflaın rejımínde oquǵa múmkíndík beredí.
2021 jylǵy 3 shíldedegí jaǵdaı boıynsha Almatyda 487 736 adam ekpe aldy.
Ótken táulíkte 15 292 adam vaktsına aldy. Olardyń arasynda 60 jastan joǵary adamdar sany 81 202-ní qūraıdy.
Qalada medıtsınalyq ūıymdarda, mektepterde, mádenıet, sport nysandarynda, bazar men qalanyń SOSO-da 211 vaktsına punktí jūmys ísteıdí (250-ge deıín ūlǵaıtu múmkíndígímen). 1 257 adam jūmyldyrylǵan 304 ekpe brıgadasy qyzmet atqarady.