Qazaqstandy senimdi tranzıttik hab retinde damytý kerek.
Toqaev qaı jerlerde temirjol salynatynyn aıtty, dep habarlaıdy Almaty-akshamy.kz.
Prezıdent Qasym-Jomart Toqaevtyń pikirinshe, otandyq ónimniń eksportqa qaýipsiz ári úzdiksiz shyǵarylýyn qamtamasyz etý úshin keshendi sharalar qabyldaý qajet. Ortalyq Azıa aımaǵyndaǵy kóshbasshylyqty saqtap, Qazaqstandy senimdi tranzıttik hab retinde damytý kerek.
Osy maqsatta balama temirjol baǵyttaryn qalyptastyrý qajet. Bul jerde Dostyq – Moıynty, Baqty – Aıagóz, Maqtaaral – Darbaza jobalaryn júzege asyrý, Almaty qalasyn aınalyp ótetin temirjol jelisin salý jóninde sóz bolyp otyr.
Toqaev temirjol parkiniń jumysyn jandandyrý jáne joldarǵa kúrdeli jóndeý júrgizý jóninde sharalar qabyldaýdy tapsyrdy.
«Otandyq temirjol salasynda mashına jasaý isin damytýǵa basa mán berý qajet. Onyń alǵysharttary bar. Qazaqstandyq óndirýshilerdi belsendi túrde qoldaý kerek», – dedi Memleket basshysy.