Ekpeni 60-tan asqandar men sozylmaly aýrýlary bar adamdar jıi salǵyzyp jatyr.
Almaty sanıtarlyq-epıdemıologıalyq baqylaý departamentiniń mamandary «stels-omıkrondy» vaksına saldyrmaǵandar men qaıtalap ekpe aldyrmaǵandardyń juqtyrǵanyn aıtady, dep habarlaıdy Almaty-akshamy.kz Turkystan.kz saıtyna silteme jasap.
Dárigerlerdiń aıtýynsha, ekpeni bir jyldan astam ýaqyt buryn alǵandar da aýrý juqtyrýy múmkin. Óıtkeni «stels-omıkron» álsiregen ımýnıtetti buzyp, aǵzaǵa ený qabiletine ıe.
«Elimiz boıynsha 4 túrli vaksına bar. Bul qazir QazVac, Spýtnık V, Vero Cell jáne Pfizer ekpeleri. Qazir kóbine qazaqstandyq QazVac vaksınasy júrgiziledi. Búginde Almaty qalasy boıynsha 1 kúnde shamamen 1 200-1 300 adam vaksına alady. Bizdiń emhanada bir kúnde 400-deı adam ekpe saldyrady»,- deıdi almatylyq dáriger Raýan Nurkenov.