SİM resmı ókili Aıbek Smadıarov osylaı dep málimdedi.
Túrkıanyń ońtústik-shyǵysyndaǵy joıqyn jer silkinisinen qaza tapqandar men zardap shekkender arasynda Qazaqstan azamattary joq, dep habarlaıdy Almaty-akshamy.kz
«Astana ýaqytymen saǵat 15.00-degi jaǵdaı boıynsha Túrkıadaǵy elshiliktiń málimetine súıensek, qazaqstandyqtardan kómek kórsetý týraly ótinish túsken joq. Qazir konsýl Túrkıanyń tótenshe jaǵjaılar basqarmasymen tikeleı baılanysta. Jer silkinisinen qaza tapqandar men zardap shekkender tiziminde qazaqstandyqtar joq», - dep málimdedi Smadıarov.
Aıtýynsha, dúleı zilzala saldarynan zardap shekkenderdi qutqarý jumystary jalǵasyp jatyr.
Eske salsaq, dúısenbige qaraǵan túni Túrkıanyń ońtústik-shyǵysy men Sırıada joıqyn jer silkinisi boldy. Sońǵy málimetterge súıensek, eki elde qaza tapqandar sany 500-ge jýyqtaǵan. Myńdaǵan adam jaraqat aldy.