Almaty qalasy oqýshylarynyń 2021-2022 oqý jylyndaǵy jetistikteri kóńil qýantady
1. Zıatkerlik
2021-2022 oqý jylynda Almaty qalasy mektepteriniń 30 myńnan astam oqýshysy 85 qalalyq, 57 respýblıkalyq, 18 halyqaralyq zıatkerlik olımpıadalar men konkýrstarǵa qatysty, onyń qorytyndysy boıynsha 4 045 oqýshy jeńimpaz jáne júldeger atandy.
16 pán boıynsha jalpy bilim beretin jyl saıynǵy eń basty respýblıkalyq olımpıadanyń qorytyndysy boıynsha, Almaty qalasynyń komandasy 1-oryndy ıelenip, «Úzdik olımpıadalyq komanda-2022» atandy, jalpy bizdiń oqýshylar 88 júldeli orynǵa: 16 altyn, 27 kúmis jáne 45 qola medalǵa ıe boldy.
Almaty qalasynyń qurama komandasy ǵylymı jarystardyń qorytyndysy boıynsha da alda keledi. Bıyl respýblıkalyq ǵylymı jobalar baıqaýynda oqýshylar 51 medal jeńip aldy, onyń ishinde 7 altyn, 12 kúmis jáne 31 qola, nátıjesinde respýblıka boıynsha jalpy komandalyq esepte 1-oryn aldy.
2. Sporttyq
Aǵymdaǵy jyly Almaty qalasynda sporttyń 10 túri boıynsha ulttyq mektep lıgasynyń irikteý kezeńderi ótti, onda 5-11 synyptardyń 97 myńnan astam oqýshysy qatysty.
2022 jyldyń mamyr-shilde aılary aralyǵynda Ulttyq Mektep lıgasynyń respýblıkalyq kezeńi ótkiziledi. Búginde Almaty mektepteriniń oqýshylarynyń qorjynynda jalpy komandalyq esepte 2 birinshi, 1 úshinshi oryn bar.
Fransýz Normandıasynda 2022 jyldyń 14-22 mamyr aralyǵynda sporttyń 20 túri boıynsha Búkilálemdik gımnazıada ótti. Bul - 16-18 jastaǵy mektep oqýshylary úshin úlken mýltısporttyq oqıǵa. Qazaqstan Respýblıkasynyń quramasy alǵash ret qatysyp, 85 medalǵa ıe boldy, onyń ishinde 32 altyn, 32 kúmis jáne 21 qola. El quramasy jalpykomandalyq úshinshi orynǵa ıe bolyp, kóshbasshylar úshtigine endi. Qazaqstan Respýblıkasy quramasynyń ishindegi 25 sportshy Almaty qalasynyń oqýshylary, olar Dúnıejúzilik gımnazıadanyń chempıondary men júldegerleri atandy.
3. Shyǵarmashylyq
Bıylǵy oqý jylynda halyqaralyq deńgeıdegi túrli shyǵarmashylyq festıváldar men baıqaýlarǵa Almaty qalasynan 4 myńnan astam oqýshy qatysyp, olardyń qorytyndysy boıynsha barlyǵy 137 júldeli orynǵa ıe boldy: Gran-prı - 33, 1-oryn - 31, 2-oryn - 42, 3-oryn - 31.
13 respýblıkalyq shyǵarmashylyq baıqaý men festıválge 2 myńnan astam bala qatysyp, 1-oryndy - 12, 2-oryndy - 18, 3-oryndy - 15 oqýshy ıelendi.
Qalada 230 myńnan astam balany qamtıtyn 20 aýqymdy shyǵarmashylyq festıvál, forýmdar, konkýrstar, sletter men kórmeler ótkizildi.