Qazir quzyrly organ qalalyq jer resýrstaryn basqarý departamentine osy ýchaskeni qoldanystan shyǵarý týraly usynys joldaǵan.
Bul týraly prokýratýra ókilderi habarlady. Buǵan deıin 2012 jylǵy 30 qańtardaǵy Almaty qalasy ákimdiginiń qaýlysy boıynsha, Ulttyq ýnıversıtet aýmaǵy 73 gektardan asqan. 2017 jyly 2 qazanda qala ákimdigi ýchaskeniń shekarasyn túzetý týraly qabyldaǵan qaýlydan keıin, onyń aýdany 1,82 gektarǵa azaıyp qalǵan, dep habarlaıdy Almaty-akshamy.kz Qazaqstan.tv saıtyna silteme jasap.
Ýchaskeniń kishireıtilgen bóliginiń 0,74 gektary «Omirex» seriktestigine, komýnaldyq qyzmetterge – 0,56 jáne Mustafaev esimdi azamattyń ıeligine jarty gektardan asa jer ótip ketken. Belgili bolǵandaı, shahar bıligi Jer kodeksiniń 48 jáne 82-baptaryn óreskel buzyp, jeke kompanıaǵa jer ýchaskesin saýda-sattyqsyz berip jibergen.