Almaty qalasy “Aýyl” partıasynyń óńirlik fılıaly, “Inovasıa. Turaqtylyq. Bolashaq” taqyrybynda “Academic Kazakhstan Limited” kompanıasymen birlese Hakaton ótkizdi. Hakatonnyń maqsaty-turaqty damý, aqparattyq tehnologıalar jáne bilim berý salalaryndaǵy jobalardyń portotıpterin ázirleý, talantty jastar men ekologıalyq transformasıaǵa yqpal etetin startaptardy qoldaý, sondaı-aq bilim berý úrdisterinde jasyl tehnologıalar týraly habarlardy keńinen taratý. Bul is-sharaǵa Almaty qalasy joǵarǵy oqý oryndary stýdentterinen quralǵan 10 komanda tirkelip, saıysqa 5 komanda qatysty.
Jarys, qyzyqty, tartysty jáne jospar boıynsha ótti. Osy Hakatonǵa arnaıy saılanǵan tóralqalardyń sheshimi boıynsha: 3-shi oryndy, “Semizdik qaýpin boljaý” jobasymen kelgen Ál-Farabı atyndaǵy Qazaq Ulttyq ýnıversıtetiniń stýdentteri; 2-shi oryndy, “Aqyldy qoqys jáshigi” jobasymen Evrazıalyq tehnologıalyq ýnıversıteti stýdentteri; Al 1-shi oryndy, “AportLife” jobasymen Evrazıalyq tehnologıalyq ýnıversıteti stýdentteri jeńip alyp, Astana qalasynda ótetin fınaldyq jarysqa joldama aldy.