Túrkıaǵa jumys isteýge baratyn qazaqstandyqtarǵa jeńildik jasalady, dep habarlaıdy aqshamnews.kz
Bul jeńildik túrkitildes elderdiń azamattaryna da qatysty.
Túrkıanyń túrkitildes sheteldikterdiń jumys isteý tártibi týraly zańyna ózgerister engizildi. Endi baýyrlas elderden barǵan azamattar jumys isteýge ruqsat alý úshin burynǵydaı kóp qujat jınamaıdy.
Sonymen qatar jekemenshik emes memlekettik sektorda da jumys isteýge ruqsat beriledi. Ol úshin jumys isteýge barǵan adamda óziniń túrkitildes eldiń azamaty ekenin anyqtaıtyn kýálik pen Túrkıada ýaqytsha turýǵa múmkindik beretin jeke kýáligi bolýy qajet.
Budan bólek bilimi men mamandyǵyn rastaıtyn qujattar da talap etiledi.