Barlyq másele ýákiletti organdarmen birlesip sheshiledi
Almatydaǵy ruqsat etilmegen mıtıń qaıǵyly jaǵdaımen aıaqtalǵannan keıin Korolenko kóshesi tolyq joıyldy, dep habarlaıdy Almaty-akshamy.kz Inform.kz-ke silteme jasap.
Almaty qalasy Bostandyq aýdany ákiminiń orynbasary Renat Seıdramanovtyń aıtýynsha, turǵyndardyń ótinishi boıynsha Korolenko kóshesiniń tórt jerinde jyldamdyqty shekteıtin kedergiler tóselip, Gagarın jáne Radostovsa kóshelerine eki shlagbaým ornatyldy.
«Sonymen qatar, Almaty qalasy ákimdiginiń qaýlysymen Korolenko kóshesi joıyldy, bul kóshe qazir joq. Bul aýmaq qazir turǵyn úı aımaǵyna aınaldy. Endi kóshe statýsy joq», – deıdi aýdan basshysynyń orynbasary.
Spıker qazir aýdanda jappaı qurylys júrip jatqanyn, turǵyndarǵa baılanysty barlyq máseleler ýákiletti organdarmen birlesip sheshiletinin aıtty.
«Bul jaǵdaıdy tolyq baqylaýda ustaımyz. Endi qaıǵyly jaǵdaı qaıtalanbaý úshin jumys istep jatyrmyz», – deıdi Renat Seıdramanov.
Eske salaıyq, maýsymnyń 11-i kúni Korolenko kóshesindegi úılerdiń biriniń turǵyndary ruqsat etilmegen aksıaǵa shyǵyp, jańa turǵyn úı kesheniniń qurylysy men kólik sanynyń kóbeıýine baılanysty Gagarın kóshesiniń boıyndaǵy joldy jaýyp tastaǵan bolatyn.
Ruqsat etilmegen aksıaǵa qatysýshylardyń biri – 1980 jyly týǵan M. esimdi azamat. Janjal kezinde qozǵalysy bógelgen kólikterdiń biriniń júrgizýshisi 1974 jyly týǵan K. esimdi azamatty jaraqattaǵan. Jábirlenýshi qaıtys boldy.