Qazaqstan azamattary sońǵy ýaqytta kólik quraldaryna salyq boıynsha eseptelgen qaryzdar men ósimpuldar týraly habarlamalar ala bastaǵanyn aıtyp, shaǵymdanýda. Kóptegen azamattar tólemderdi ýaqytynda jasaǵanyn jáne eshqandaı qaryzy joq ekenin málimdeýde, dep habarlaıdy aqshamnews.kz
Memlekettik kirister komıteti (MKK) osy máselege qatysty túsinikteme berip, salyq tóleýshilerdiń jeke shottaryndaǵy derekterdi jańartý jáne túgendeý jumystary júrgizilip jatqanyn málim etti.
MKK baspasóz qyzmetiniń málimetinshe, jeke shottardy túgendeý aıasynda salyq tóleýshilerdiń eseptelgen jáne tólengen salyqtar boıynsha derekteri jańartylýda. Aktýalızasıa barysynda salyqtardy tóleý merzimderi, tólemderdiń naqty kúni jáne sol kezeńdegi salyq mólsherlemeleri eskerile otyryp, ósimpul qaıta esepteledi.
Qazirgi ýaqytta kólik salyǵy boıynsha týyndaǵan máseleler MKK derekterdi jańartý jumystarynyń nátıjesi bolyp tabylady.
Bul jaǵdaı salyq tóleýshilerge ýaqytyly tólem jasaý jáne derekterdiń durys bolýyn baqylaý mańyzdy ekenin eskertedi.