Almatyda 19-20 qyrkúıekte sambodan irikteý kezeńi ótti.
Oǵan 17 komandadan quralǵan 97 sportshy qatysty. Olardyń ishinde – bir halyqaralyq dárejedegi sport sheberi, 8 sport sheberi jáne 37 sport sheberligine úmitker bar, dep habarlaıdy aqshamnews.kz Polisia.kz-ke silteme jasap.
– Sport arqyly jumysymyzdyń tıimdiligin arttyrý, tártip pen jaýapkershilik deńgeıin arttyrý, qyzmetkerlerimizdiń densaýlyǵyn jaqsartý – birinshi kezektegi mindet. Jasyratyny joq, ishki ister organdaryndaǵy qyzmet psıhoemosıonaldy jáne fızıkalyq belsendilikpen baılanysty. Munyń bári qyzmetkerlerden zeıindi, kóńil bólýdi jáne jedel jaǵdaıdaǵy ózgeristerge tez áreket etýdi talap etedi. Sondyqtan jeke quramdy dene shynyqtyrý sabaqtaryna belsene tartý, salaýatty ómir saltyn qalyptastyrý jáne qyzmettik-qoldanbaly sportty damytý óte mańyzdy, – dedi Almaty qalalyq polısıa departamenti bastyǵynyń orynbasary Erjan Uzabaev.
Ádilqazylar alqasynyń sheshimimen JQAJ komandasy 1-oryndy, patrúldik polısıa polkiniń qyzmetkerleri 2-oryndy, Almaly aýdandyq polısıa basqarmasynyń komandasy 3-oryndy ıelendi. Barlyq jeńimpaz medaldarmen jáne kýboktarmen marapattaldy. Almaty qalasySport