Almaty prokýrory Berik Júıriktaev brıfıńte sóılegen sózinde 5 qańtardan bastap qalada tek bandıtter men terrorıster shabýyl jasaǵanyn atap ótti. Olardyń minez-qulqy, daıyndyǵy, qatygezdigi jáne is-áreketteriniń sınhrondylyǵy uıymshyldyqty kórsetedi, dep habarlaıdy Almaty-akshamy.kz.
«Alǵashqy kúnnen bastap men jáne prokýratýranyń barlyq qyzmetkerleri oqıǵalardyń týra ortasynda boldyq. Biz bandıtterdiń uıymdasqan agresıasyn kórdik. Olar arnaıy tehnıkany, órt sóndirý mashınalaryn, avtobýstardy basyp alyp, quqyq qorǵaý kúshterin taratty. Barlyq jerde beınebaqylaý kameralary joıyldy. Qylmys jasaý úshin brýschatka men qolda bar basqa da qarýlardy paıdalandy», - dep atap ótti Almaty prokýrory.
Ol qalada barlyq jeke quram ornalasqan prokýratýra ǵımarattarynyń biri órtengenin aıtty. TJM kúshteri tarapynan jasalǵan batyl is-qımyldardyń arqasynda jalyndy sóndirýge, qyzmetkerlerdi evakýasıalaýǵa múmkindik boldy, olar janyp jatqan ǵımarattan qutqaryldy.
B. Júıriktaev qylmyskerlerdiń ańshylyq dúkenderin maqsatty túrde basyp alyp, polısıaǵa shabýyl jasaǵanyn atap ótti. Olarǵa quqyq qorǵaý organdaryna shabýyl jasaý, beıbit turǵyndardy qorqytý jáne terorıstik shabýyldardy jalǵastyrý úshin qarý qajet boldy. Ǵımarattar qırady, órt jáne medısınalyq kómek jumysy buǵattaldy. Sol kezde quqyq qorǵaý organdary bul bul ashynǵan mıtıńishiler dep sanady. Sondyqtan, jasalǵan barlyq qylmystarǵa qaramastan, kúsh qurylymdary qarý qoldanbady.
«Qazir biz sodyrlardyń narazylyq aksıalaryn óz maqsattary úshin qoldanǵanyn túsinemiz. Kóshelerge shyqqan beıbit turǵyndardy olar qalqan retinde paıdalandy», - dep atap ótti Almaty prokýrory.
Onyń aıtýynsha, 5 qańtardan bastap qalada tek bandıtter men terrorıster shabýyl jasaǵan. Bul endi beıbit narazylyq emes
«Biz terorızm aktisine tap boldyq. Qala ákimdiginiń ǵımaraty, áýejaı men Prezıdent rezıdensıasy basyp alyndy. İs - áreketterdiń sıpaty, daıyndyǵy, qatygezdigi men úılesimdiligi olardyń uıymdasqandyǵyn kórsetedi», - dedi B. Júıriktaev.
Ol qaza bolǵandardyń týystary men jaqyndaryna, sondaı-aq zardap shekkenderdiń barlyǵyna kóńil aıtty.
Almaty prokýrorynyń aıtýynsha, búginde qaladaǵy jaǵdaı turaqty.