249 tulǵa qamaýǵa alyndy
Bul týraly Almaty qalasynyń prokýrory Berik Júıriktaev habarlady. Onyń aıtýynsha, megapolıstegi jappaı tártipsizdikterden polısıa 405 qylmystyq isti tekserip jatyr, dep habarlaıdy Almaty-akshamy.kz Baq.kz-ke silteme jasap.
Ár quqyq buzýshyǵa jeke qarap, jasalǵan áreketterdiń sıpaty men aýyrlyq deńgeıine baǵalaý júrgizemiz. Barlyq osy mindettemelerdi esepke ala otyryp, qala prokýratýrasy 71 tulǵaǵa qatysty ákimshilik jazany jumsartty. Ýaqytsha ustaý ızolátorynan 91 tulǵany bosattyq, - dedi ol.
Sonymen qatar prokýror qazirgi tańda tergelip jatqan 405 qylmystyq is boıynsha qansha adam qamaýǵa alynǵanyn aıtty.
Quqyq qorǵaý organdary 405 qylmystyq iske qatysty 249 tulǵany qamaýǵa aldy, - dep atap ótti Berik Júıriktaev.
Terrorıster men tonaýshylardyń kesirinen qaladaǵy 2 myńnan astam nysan zardap shekken. Qazirgi tańda qoǵamdyq qaýipsizdikti qalpyna keltirý boıynsha is-sharalar qoldanylyp jatyr.